bi eşkeretî va deftera daxwazê û fermanêd çêkirinê ku jê ra (nivîsîka eşkera) tê gotinêyî û texteya parêzandiya ku dîwanekî zanîna Xwedê ya ku jê ra (pêşwarê eşkera) tê gotinêyêyî rava didin.

   Çirîka Daxwazê: Êdî ku em bi çavan va dibînin ku, hûrçikên her jiyandarekî, di çaxa çêbûn û hêşînbûnê da bal bergên xill û xwarî va diçin û di cî da dimînin. Hûrçik, rêya xwe diguherînin, di dawiya wan bergan da yek huwîde û yek boyîde û yek kara meywe didin. Her hemin endazîka rewşaniya wê tiştî, bi qelema endazekî va hatiye çixêzandinê. Êdî, endaza eşkereya xuyayî, ji tewşên veşarkiyê wê jiyandarê da jî, bi qelema endazekî va hatiye çîzandinê rava dide ku, bergeh û dawîkên wê yê dizgûn û meywedar hene. Karîna Xwedê dergah e, endaza wî, rêzgah e. Karên, wê nivîsîka divêkan, li ser wê rêzgahê da dinivîse. Êdî ku em birrakî dizanin ku, bergên meywedar û dawiyên huwîdedarên ku bi qelema endaza mayekî û veşarkî va hatine çîzandinê hene. Her hemin tewş û rewşên her jiyandarekî yên ku ewê di pêla jiyana xwe da biborîne, bi qelema wê endazê va hatine çîzandinê. Lewra serborîka jîna wî, bi dûzan û rêzanekî va dikişe; rewşan diguherîne, çehran digire. Êdî ku wuha di hemî jiyandaran da qelema endazê fermandar e, her hemin, merfê meywa cîhanê ya gîhaştîtir û cîgirtiyê zemînê û hilgirti yê sipartîka meziniyê, serborîka jiyana wî, ji her tiştî pirtir, ji qanûna endazê ra peyîk e.

   Eger tu bêjî: Endazê, me wuha girêdaye û azadiya me rakiriye. Ma ji bo dil û canê arzûmendê firetî û gerranê ra, baweriya bi endazê, giranîkî û givaştinekî nadêyê?

   Berpirs: Ji bin va û birrak va, na. Mînanê ku givaştinê nade, siviktî û hêsatîkî bêdawîn û kêfek û ronîkî ku hêsanî û rîhanî û asayîş û asanî  dideyêyî dide. Lewra merif, bi endaziyê baweriyê neyîne; di çemberekî piçûk da û di nav serbestîkî parîk û azatîkî borîk da li ser milê rewanê bêçare da ji kişandina barekî giranê bi hindî cîhanê ra neçar e. Lewra merif bi hemî cîhanê ra peywendar e, bêdawîn divêk û daxwazên wî hene. Karîn û vîna wî û azatiya wî, ji mîlyonê da ji yekî wî ra têr nayên, ji bo wê yekê ra, giraniya givaştina veşarkiya ku dikişîneyêyî, çere bêter û kovîkeriya wî tê zanînê. Êdî, baweriya bi endazê, wê hemî giraniyê, bal gemiya endazê va davêje, bi hêsatiya bala va û bi balatiya azatiya can û dil va ji serbestgerrana wî ya di balatiyên wî da yê ra bergah dide.