Berpirs: Lewra endazê, mirina wî bi tivinga wî va rava kiriye. Eger tu, neavitina wê tivingê bihoşî, wê çaxî, tu pîvanegirtina endazê dihoşî. Wî çaxî, tu yê mirina wî, bi çi va dawerînî? Eger tu, wekî gurûha (zorankî) yê, ji peywendê ra cihê û ji peywendberê ra cihê endazekî bihoşî; yan jî, mînanê gurûha (derkenaran), endazê bikorînî, tu, gurûha xwedanê (civatê û rêzika pêxember) dihêlî, dikevî nava gurûhên şaşbûyî. Wekî wusa ne, emê xudanê rastiyê dibêjin ku, “Eger tivink navêta; mirina wî, li bal me da nexuyayî ye.” Gurûha zoranîk dibêje: Navêta, dîsa ewê bimira. Gurûha derkenar dibêje: Navêta, nedimira.

   A şeşa: ^(Haşiye)  Awirana ku binga hîmê parîka daxwaziyêyeyî, li bal Maturîdiyê da tiştekî gûnekî ye, ji bendeyê ra tê dayînê. Lê Eş’erî, ji bo ku bi çavê hebûkê va lê nêriye, nedaye bendeyê. Lê tevgerana di wê awiranê da li bal Eş’erî da tiştekî gûnekî ye. Wekî were ye, ew awirana û ew tevgerana, tiştekî siparekî ye, hebûnekî wê yê bingehane tune ye. Tişta gûnekî, derdê giştane naxwaze ku, ji bo hebûna derdê giştane ra divêk û bivêk û gerekî bikeve navberê; daxwaziyê rabike; belkî derdê wê tişta gûnekiyê di cêrga balatîkî da tewşekî bigire, ew tişta gûnekî, bê wê va pêdar be. Wekî were ye, di wê gavê da dikare wî bihêle. Qur’an, di wê gavê da dikare ji wî ra bibêje ku, eva gunah e, neke. Erê: Eger bende, afirandê kirinêd xwe bûya û ji çêkirinê ra karîna wî hebûya, wê çaxê, daxwaza wî radibû. Lewra di xwendina hîman û huwîdeyê da li gorê binga

مَا لَمْ يَجِبْ لَمْ يُوجَدْ

   (tişta ku bivêk nebe, çênabe) yê va payidar e ku, tiştekî ku bivêk nebe; bal hebûnê va nayê. Dibê, derdê giştaneyî hebe, paşê dikare bal hebûnê va were. Derdê giştanî jî, derdbendeyê, bivê nevê va dixwaze. Wê çaxê daxwazî namîne.

   Eger tu bêjî: Hildana bê hildanker, nebûyîk e. Tewş ev e ku, ew tişta gûnekiya ku em jê ra kirina merfaneyê dibêjinêyî, carina kirin û carina nekirinê, eger hildankerekî bivêkdar tune be, hildana bê hildanker divê. Eva jî, hîmekî hêjatirînê kokên (axiftinkiyê) yê hildişîne.

   Berpirs: Hilbûna bê hilanker, nebûyek e. Dibê: Hilbûna bê hilanker û bê peywend, nebûyîk e. Yan na; hilandina bê hilanker dirust e û bûyîk e. Vîn rewşekî ye, karê wê kirina karekî wuha ye.