Hem ma hûn nabînin ku, em di çi awayî da ji aliyê asîmana da avekî fezûndar dişînin; bi wê avê va em bax û bostana, darên balayê xweş meywedarê wekî xurmayê, em diafirînin; ez ji bendeyê xwe ra xwurekê, bi wî va dişînim û digihêjînim? Hem ma hûn nabînin ku, ez bi wê avê va koçwarê mirî vedijînim; hezaran komandinê cîhankiyê çêdikim? Çawan ez, van gîhana, bi karîna xwe va ji vî koçwarê mirî da dertînim; derketina we ya di roja komandinê da jî, werre ye. Di roja hilrabûnê da zemînê bimire; hûnê jiyandar derkevin.”

   Êdî sitûriya gotinê ya ku vê ayetê, di ciyandina komandinê da rava dayiye ya ku me ji hezarê da bal yekê va meger me karî em awir bidinêyê, li kû ye? Axifteyên ku merif, ji bo dozekî ra dirêzîne yê li kû ne?

   Me, ji serê vê nivîsokê da bal niha va ji bo ku bi navê bingehandinê va di rewşa dakişandina bêaliyane da ahistandina Qur’anê bi dijdarekî ‘inirkar va bidin hildanêyê ra me pirr heqqên Qur’anê veşartî hîştin. Me wê rojê, bal cêrga mûman va dianî û me dikişand. Niha bingehandinê, karê xwe pêk anî; di awakî ronak da ahistandina wê rava da. Niha jî, bi navê bingehandinê va na; bi navê bingehê va emê bi gotinekî duduya va bal wargê Qur’anê yê bingehînê ku nayê dakişandiniyê va awir bidin.

   Erê, goneya gotinên dinê ya bal ayetê Qur’anê vayî, wekî goneya vajîkên piçûçkên sitêrkên ku di şûşan da dixuyênê, bal sitêrkan bi xwe va ye. Erê, axifteyên Qur’anê yên ku her yekî wan, yek bingehê payîdar direwşîne û rava dideyê, li kû? Divêkên ku merif, di neynika hoşîk û bihîkên xwe da bi axifteyên xwe va direwşînênê, li kû ne? Erê, axifteyên jiyandarê, perî asayê Qur’ana ku roniyêd rêya rast rava dide û gotina Xwedayê mezinkarê roj û heyvê ye, li kû ne? Axifteyên merfa yê gezokê bi nazikokên wan ê derewîn va û bi hulmêd wan ê cazûkar vayî ji bo hişyarkirina hewesên wan rayî, li kû? Erê, goneya bihok û kêzikên gezokê, bal periyên pîroz û rewanîkên ronîk va çi be, goneya axefteyên merfa, bal axefteyên Qur’anê va ew e.

   Bi Gotina Bîst û Pênca va bîst û çar Gotinê borî, van bingehana rava dane. Ev doza me, rûtik nîne; çirîk e, radara wê boriye.

   Erê, axiftên Qur’anê yê ku her yekî wan, yek qafikê gewherên rastiyê ye û yek kaniyê bingehên baweriyê ye û yek kangahê hîmêd Îslamiyê ye û rasta rast, ji textê Xwedayê banîk da tên û di ser cîhanê da û li dervayê wî da li merfa dinêrin û dadikevin;