Mirina te dipên? Tu bêje: “Bipên; ez jî dipêm.” Bingehêd te yê mezinê ronak, ji xulyayê sitiranî dûr in; û ji sosikên wê da bê daxwaz in.
اَمْ تَاْمُرُهُمْ اَحْلَامُهُمْ بِهٰذَا
Yan jî, ma gelo wekî pêlezufên bêhiş yê ku bi hişê xwe dibawerînan, dibêjin: “Hişê me, ji me ra bes e” ji çûyîna li peyê te dayî direvin? Tewş ev e ku, hiş çûyîna li peyê teyî ferman dike. Lewra, hemî gotinê te, hoşanîk e, lê hiş bi serê xwe va nagehêjê.
اَمْ هُمْ قَوْمٌ طَاغُونَ
Yan jî, ma peywenda nebawerkirina wan, wekî sitemkarên zordar, ji rastiyê ra serfurû nekirina wan e? Tewş ev e ku, dawiya Fir’ewn û Nemrudên serekê sitemkarên zordar, xuyayî ye.
اَمْ يَقُولُونَ تَقَوَّلَهُ بَلْ لَا يُؤْمِنُونَ
Yan jî, ma mînanî merifên dubare yên derewînêd bêwicdan, bi te bedgumaniyê dikin dibêjên: “Qur’an gotinê te ne?” Tewş ev e ku, ta niha va Muhammed Emîn digotin; di nava xwe da te rasttir dizaniyana. Divêk ew e ku, ji baweriyê ra dilê wan tune ye. Yan na, bira di nav hunerên merfa da hevtakê Qur’anê bibînin.
اَمْ خُلِقُوا مِنْ غَيْرِ شَىْءٍ
Yan jî, ma mînanê peylezofên beyhudekarên ku cîhanê beyhude û bêamanc bawer dikinan, xwe serberdayî, beyhude, bêamanc, bêolam û bê Xweda xwe guman dikin? Ma gelo çavê wan kor bûye; nabînin ku heyîkan, seraser bi huwîdeyan va sosik in û bi amanca va meywedar in; û hebûkan, ji hûrikan da bal rojan va bi olaman olamdar in û ji fermanêd Xwedê ra fermanber in.
اَمْ هُمُ الْخَالِقُونَ
Yan jî, ma mînanî mayeperesên Fir’ewnîk, xulya dikin: Bi xwe bi xwe çêdibin; û bi xwe xwe xwedî dikin û her tiştî ji wan ra divêkê çêdikin ku, ji bawerî û ji perestinê direvin. Divêk ew e ku, xwe yek aferîd guman dikin. Tewş ev e ku, aferîdê tek tiştekî, gerekî aferîdê her tiştekî be. Divêk ew e ku, sergirî û pozbilindiya wan, wana di cêrga dawîn da sersem kiriye ku, ahestekî bêbergeyî bindestê li ber mêşekî û mîkrobekî, Karînkarekî Bêberge guman dikin. Êdî ku wuha ji hiş û ji meriftiyê daketinê ji canberan, belkî ji bêcanan da xwartir in. Wekî were ye, ji koraniya vana da daxdar nebe; vana jî, di cêrga curekî canbirên ziyankar û mayên peyda bijmire; li wan menêre û guh nedê.
