Ji bo ku di (Îşaratû l-Î’caz) yê da hatiye ravakirin û xuyakirinê em di vir da sade bal kurtaya wê va da awir didin. Wuha ku:

   Qur’ana ahistegarbêj dibêje: “Gelî merif û cina! Eger di Xweda gotiniya Qur’anê da bedgumana we hebe; gotina merifekî bûyîna wê hûn guman dikin; ha vanî bergah; werin, mînanî wî kesê ku hûn jî, jê ra Muhemmedê Emîn dibêjinêyî, ji merfekî nexwendî yê ku xwendin û nivîsanê nizane û xwendin û nivîsandinê nedîtiye da mînanê vê Qur’anê, nivîsîkekî bînin; bidin çêkirinê. Hûn vêya nikarin çêbikin; da bira nexwendî nebe; xweşbêjek û zanakî navdartir be. Eger hûn vêya jî nikaribin bikin, da bira tek merifek nebe; hemî xweşbêj û xweşgoyên xwe; belkî hunerên rindên hemî xweşbêjên borîn û yardima hemî xweşxûyên wereiyan û ahêngiya peresteyên xwe bi xwe ra bigirin, bi hemî hêza xwe va bixebitin; ji vê Qur’anê ra asakî çêbikin. Hûn vêya jî nikarin çêbikin, da bi çavbirrîna ji bingehên Qûr’anê û ji pirr ahistegeriyên wê yê veşarkî ku mînanî wan nayê çêkirinêyî, çav bibirin; sade ji xweşbêjiya di rêzana wê dayî ra bi awayê hevtayî va hunerekî çêbikin.”

   Bi hêmûşandina 

فَاْتُوا بِعَشْرِ سُوَرٍ مِثْلِهٖ مُفْتَرَيَاتٍ

  nê va dibêje: “De ka ez ji we rastiya divêkî naxwazim; bira gotinên derew û çîrokên beyhûde bin. Hûn vêya jî nikarin çêbikin; da bira bi hindê hemî Qur’anê nebe; sade bi deh sûretan va ji deh sûretên wê ra hevtayî bînin. Hûn vêya jî nikarin çêbikin. De ji tek sûretekî wê ra hevta bînin. Eva jî pirr e. De ji sûretekî wê yê kurt ra hevtakî derxînin. Heta êdî hûn vêya jî çênakin û nikarin çêbikin; hem bi tewşa ku hûn wuha neçar in; lewra, anor û namûsa we û serfirazî û ayîna we, rîhişkî û serbilindiya we, can û pertalê we, cîhana han û cîhana dinî ya we, bi hevta anîna ji vîya ra riha dibin; yan na, hûnê di cîhanê da bêanor û bênamus û bêayîn û bêserfirazî, di nav piyan da can û pertalê we di tebahiyê da qirbibin û di cîhana dawîn da, bi awira ayeta   

فَاتَّقُوا النَّارَ الَّتٖى وَقُودُهَا النَّاسُ وَ الْحِجَارَةُ

  yê va di dojeyê da bi zîndana timanî va fermanber bibin; û bi pûtên xwe va ji agirî ra êzingiyê bikin. Hem êdî ku we heyşt cara ahestiya xwe zanî; her hemin heyşt cara, Qur’an jî ahestegerbûna wê, gerekî hûn bizanin. Yan werin baweriyê yan jî huş bibin, herin dojeyê.