Bi nimûneyê va: Li sûretê (
عَمَّ
) yê tûj were nêrînê; bi curekî nîgarînê were va cîhana dinê û komandinê û tewşên bihişt û dojeyê, di awakî wisa da rava dide ku, kirinêd Xwedakî û hêzên Xwedankî yê di vê cîhanê da yê, mînanê ku li wan tewşên cîhana dinê yê, yek bi yek dinêrin û rava didinê û dilê merif bicî dike. Ravedayîna cûreya di vê sûretê da dirêj e, ji wî rûyê da em sade bal nuxtekî diduya va awir didin. Wuha ku:
Di serê vê sûretê da ji bo ravakirina roja hilrabûnê ra dibêje: “Me ji we ra zemînê, hêlekankî xweş raxistiye; û çiyaya ji xaniyê we û ji jîna we ra stûnê gencînedar û qazixê xwedî enbar; û we cotê ji hevhezkirî û bi hevhogirî; û şevê ji xewa ahistena we ra perde; û nava royê, berga jiyanê; û rojê çirakî ronîdar û germîdar çêkiriye; û ewran mînanî kaniya ava jiyanê, min jê da av rijand; û ji avekî sade da em hemî tiştên cihêkî kulîlkdar û meywedarê ku hemî xurekê we hildidinî yê, em hêsayî û di demekî hindik da em çêdikin. Wekî were ye; hilrabûna roja pejirandinê, we dipayê; anîna wî li me giran nayê.” Êdî, ji vê şûnda, di awakî dizî da bal ravakirina belavbûna çiyan û kerîbûna asîmana û amedebûna dojehê û di rojrabûnê da û dayîna bax û bustana ji merifên behiştê ra yê va awir dide; bi divêkî va dibêje: “Êdî, ku li ber çavê we da di çiya û zemîn da van karan dike; di cîhana dinê da jî, karên mînanî vana dike.” Divêk ew e ku, çiyayê di serê sûretê da li tewşa çiyayên di hilrabûnê da yî dinêre û bax jî li bax û bustanê di dawiyê û di roja dawîn da yê dinêre. Êdî, nuxteyên dinê yî, li vêya bipîve, çi curekî wî yê rind û bala heye bibîne.
Bi nimûneyê va,
قُلِ اللّٰهُمَّ مَالِكَ الْمُلْكِ تُؤْتِى الْمُلْكَ مَنْ تَشَٓاءُ وَتَنْزِعُ الْمُلْكَ مِمَّنْ تَشَٓاءُ …اِلٰى اٰخِرِ
ta dawiyê va di curekî were bala da karên Xwedê yê di zarên merfa da û vexuyanêd Xwedê yê di gera şev û royê da û tevgerên Xwedê yê di demên salê da û kirînêd Xwedê yê di jîn û mirina li rûyê zemînê û di komandin û belavandina cîhankiyê dayê, bi curkî were balayî va rava dide ku, hişê merfên tûjnêrîn bindest dike. Ji bo ku cureyê axiftina wî ya ronak û balaya fire, bi hindik nêrînî va dixuyê, em nihaka wê gencînê venakin.
