ŞAXA ÇARA:
اَلَمْ تَرَ اَنَّ اللّٰهَ يَسْجُدُ لَهُ مَنْ فِى السَّمٰوَاتِ وَمَنْ فِى الْاَرْضِ وَالشَّمْسُ وَالْقَمَرُ وَالنُّجُومُ وَالْجِبَالُ وَالشَّجَرُ وَالدَّوَٓابُّ وَكَثٖيرٌ مِنَ النَّاسِ وَكَثٖيرٌ حَقَّ عَلَيْهِ الْعَذَابُ وَمَنْ يُهِنِ اللّٰهُ فَمَا لَهُ مِنْ مُكْرِمٍ اِنَّ اللّٰهَ يَفْعَلُ مَا يَشَٓاءُ
Em ê ji guncîna vê ayeta mezin û fireh da sade tek gewherekî wê rava bidin. Wiha ku:
Qurana Huwîdedar eşkera dike ku, ji textê bala da ba li zemînê va û ji sitêrkan da ba li mêşan va û ji periyan da ba li masiyan va û ji sterkên gerok da ba li hûrçikan va her tişt, ji Xwedayê Bala ra kunde û peristinê û pesn û pakandinê dike. Lê peristinê wan, li gorî hilêka wan e û li gorî navên ku jê ra dibin xuyagah va cihê cihê ne, cûre cûre ne. Em cûrekî cûrevaniya peristina wan, bi nimûnekê va rava didin. Bi nimûneyê va: وَ لِلّٰهِ الْمَثَلُ الْاَعْلٰى (nimûna balatir, a Xwedê ye): Çaxa ku xudankê kişweriyê mezin, bajarekî mezin, yan serakê çagerîn ava dike, ew xudana, çar cûre paleyan di avakirina wê da diolamîne û dixebitîne.
Cûreyê Yeka: Bende û koleyên wî ne. Ev cûreya, ne jiyanîka wê heye û ne jî padaja wê heye, Belkî di her karê ku ewana bi fermana serwerê xwe va dikiniyê da noşekê wan ê pir nazik û keyfekê wan ê pir xweş heye. Ji pesn û rewşê serwerê xwe da çi bibêjin, noşe û keyfa wan pir dike. Ewana, bal serwerê xwe yê pak va navandina xwe, anorekî mezin dizanin, bi wî va bes dikin. Hem bi navê wî serwerî û bi jimarîka wî û bi nerîna wî va di nêrîna xwe ya bal karan va da keyfxweşiya veşarkî dibînin, paye û padaj û jiyanîkî naxwazin.
Keriyê yê Diduya yê ku: Hinek ê olamkarên gunde ne, nizanin ji bo çi dixebitin. Belkî ew xudanê xwedî kar wana dixebitîne, bi hoşîn û zanîna xwe va wana diolamîne, ji wan ra parekî parêkî hêjayî wan jî dide. Ewan olamkarana nizanin ku, li xebata wan ra çi cûre amancêd fireh û karên bala cêrge digirin; hetta hinek ji wan guman dikin ku, ew karê wan, sade ji wê padaj û jiyanîka ji wan bi xwe ra ye, pê va amanca wî tunne ye.
Kerî yê Sisêya: Hinek canberêd wî xudanê kişweriyê hene. Wana di avakirina wî bajarî û wê serayê da di hinek karan da dixebitîne, ji wan ra sade êmekî dide.
