Ji wê yekê da hinek merivên xwendayên bi hişê xwe va vedipesinan, ji hinekê wan ra qels, yan danayî gotine. Hinekê qelsbawer û sitûrez jî, ba li korandinê va çûne. Em niha nakevin vexistinê, sade duwanzdeh hîman rava dikin.
Hîma yeka: Pirsika ku me di pirs û berpirsa di dawiya Gotina Bîsta da rava dayiye. Kurtasiya wê ev e ku:
Dîn, rencanekî ye û teqilanekî ye, rewanêd balayî ji rewanêd pest da cihê dike. Wekî wisa ye, ew ê, bûyîkên ku di pêşiyê da ji her kesî ra bi çav va bixwiyênan, ew ê di awakî were da jê biaxêve ku, ne hemî hemî nixûnî bimînin, ne jî eşkera bibin, her kes bivê nevê, bawerkirinê ra neçar bibin. Ew ê ji hiş ra derî vebike, daxwaziyê ji destê wî negire. Lewra, agir giştane di cêrga eşkeratiyê da nîşankê rabûna cîhanê yê were dîtinê, her kes ji bawerkirinê ra neçar bibe, wê çaxê, hilêkekî wekî kumorê û hilêkekî mînanê almasî bi hev ra dimînin, raza zorandinê û çirîka rencandinê, winda dibin. Êdî, ji bo vêya ye: Di pirr pirsikên wekî pirsikên Mehdî û Sufyanî da pirr keşmakeşî çêbûye, Hem rêyên hedîsan jî, pir cihê ne, gotinêd dijberî hev çêbûne.
Hîma Diduya: Cêrgên pirsikên Îslamî hene. Yekî wê, radara birak bixwaze, a dinî bi gumanekî zorak va bes dike. Yekî din, hildanekî sipartîk û nerandinî dixwaze. Wekî wisan e, di her yekî pirsikên çiqlok e û yan bûyîkên çaxêyên ji hîmêd baweriyê ninan da bi bawerîkî bê guman va radarekî birrak nayê xwastin. Belkî sade ran neke û bi sipartinê va tê negire.
Hîmê Sisêya: Di çaxa hevalên Pêxember da ji xewndayên Xiristiyan û zarên Israyîl da pirrê wan ketin Îslamê. Zanînêd wan ê berê jî, bi wan ra misilman bûn. Hinek zanînêd wan ê berê yê dijberî bûyîkê, bi awayê pertalê Îslamê hat gumankirinê.
Hîmê Çara: Hinek gotinên merivêd hildayên hedîsên hêjayî, yan jî divêkên wan ê jê da derxistineyî, ji navîna hedîsê dihat hildanê. Tewş ev e ku, meriv, ji çewtiyê vala nebe. Ji bo wê yekê ra hinek divêk û gotinê wanî dijberî bûyîkê hedîs hatiye gumankirinê, qelsiya wê hatiye dawerandinê.
Hîmê Pênca: Bi raza hedîsa اِنَّ فٖى اُمَّتٖى مُحَدَّثُونَ - dibê: مُلْهَمُونَ - yê va hinek divêkên ku bi sirûşa hinek merivên xudanê bişkifanî û xudanê rewşeniyê va hatî, hedîs hatiye hildanê.
