û dijmin û dijberên wî ji sernekeftina wî ra peywende hene. Li hemberî padîşah da bi gelek bernavan va dixweyê û dibîne û bi pir zimanan va ji wî da hewariyê yê dixwaze û ba li pir bernavên fermandarê xwe va dizivire û ji bo rihabûna ji ziyanê dijminêd xwe da alîkirina wî, bi pir awayan va dixwaze. Were jî, merivê ku ji pir navan ra xuyagah e û bi pir olaman va barbir e û bi pir dijminan va giriftar e, yê di niyaza xwe da û di parêzxwestina xwe da pirr navan dibêje. Çawan ku Muhemedê Erebî ku bingera serfiraziya cûreyê meriva ye û bi rastiyê va merivê gihêştî yê bingehîntir e yê di niyaza xwe ya bi navê el-Cewşen el-Kebîr (Zirxê Mezin) da, bi hezar û yek navê wî va niyaz dike û ji agirî da parêztinê dixwaze. Êdî, ji vê razê daye ku, di sûreya

قُلْ اَعُوذُ بِرَبِّ النَّاسِ ۞ مَلِكِ النَّاسِ ۞ اِلٰهِ النَّاسِ ۞ مِنْ شَرِّ الْوَسْوَاسِ الْخَنَّاسِ

da, bi sê navan va xwastina parêztinê ferman dike; û di

بِسْمِ اللّٰهِ الرَّحْمٰنِ الرَّحٖيمِ

da bi sê navên wî va xwastina alîkirinê yê rava dide.

   ŞAXA DIDUYA: Du razên ku kilîtên pir razan hildideyan rava dide.

   Raza yeka: Rewşendilan, ji bo çi, di hîmên baweriyê da yekbendiyê dikin, digel ku di dîtinêd xwe û di bişkivandinêd xwe da pirr dijberiyê dikin. Bişkivanêd wan ê di cêrga dîtinê da yê carina dijberî bûyîkê û dijdarê rastiyê yê derdikevin? Hem ji bo çi, merivên xudanê hoşîn û nêrînê, di hoşîkên xwe yê ku her yekî wan, bi radara birrak va rast hil dideyê da di rewşekî dijberî hev da bingehî dibînin û rava didin. Bingehek ê ji bo çi dikeve pirr rengan?

   Raza diduya: Pêxemberêd borîn, ji bo çi, hinek hîmêd baweriyê yê wekî komandina gewdeganiyê, bi cêrgekî va kurt hiştine, wekî Quranê vexistinî nedanê? Paşê, hinek ên ji ummetê wan da di pêş da ta ba li korandina wan hîmêd kurt va çûne? Hem ji bo çi, hinek ên rewşendilên hozanêd bingehîn, sade di yekandinê (tewhîd) da pêş da çûne, hetta ba li cêrga rastbaweriyê va çûne, digel ku hinek hîmed baweriyê di avrêja wan da di awakî pir hindik û kurt da dixwiyê? Hetta ji bo wê ye ku, lipeyçûyên wan, di pêş da hêjatiya divêkî ji wan hîmêd baweriyê ra yê nedanê, hetta hinek ên wan ji rê derketine. Êdî ku bi pişkvana hemî hîmêd baweriyê va balatiya bingehîn tê dîtinê; ji bo çi, merivên xudanê bingehî di hinek ên wan da pirr pêş da û di hinek ên wan da pirr şûn da mane?