di ahestî û di tirsa Xwedê da noşekî werre ku ji arîn û karîna xwe û bi tundî, revîne. Bi ahesteyê va xwe bal Xwedê va avêtine; ahestî û tirsê ji xwe ra hêvîkar gerandine.
Dermanê dinê jî, bi şabaş û qenaetê va xwestin û niyazkirin e û bal banîna Xwedayê banekî Rezzaq va paldayîn e. Ma werre ye? Erê, ji mêvanê Xwedakî baxşayê dayînkarê ku hemî rûyê zemînê xuwankê xwarinê gerandiye û danê biharê destekê gula çêkiriye û li tenişta wê xuwanê daniye ra belengazî û parsekî, çawa êşan û giran dibe? Belkî belengazî û parsekiya wî, rewşa bi jiyanekî xweş digere. Mînanê bi jiyanê, li pirandina belengaziyê ra dixebite. Ji bo wê ye ku merivên gehiştî, bi belengaziyê kêfxweş bûne. Ha ha, çewt nezane. Divêk ew e ku li pêşberê Xwedê da belengaziya xwe bibîne û balê va lava bike. Yan na, divêk ew nîne ku belengaziya xwe li meriva ra bike û tewşa parsekiyê bigere û ew bilêt û belga jî, di serî da limêj e. Kirina ferzan û hîştina gunahên mezin e. Ma wusa ye? Erê, bi yekbendiya hemî merivên xwedanê arizik û dîtinê û bi ya hemî merivên xwedî çejn û pişkevtinê va di wê rêya dirêj û tarî ya ebeda ebedan da xurek û xwarin, ronî û buraq, meger bi pêkanîna fermanêd Quranê û bi vekişana ji yasaxên wê va bi dest tê xistinê. Yan na, fen û felsefe, pîşe û huwîde, di wê rêyê da pênc pere nakin. Roniya wan ta bal deriyê gorê va ye.
Êdî hey nefsa min a tembel! Pênc dan limêjkirin û heft gunahêd mezin hîştin, çend hindik û hêsa û sivik e û çêrika wê û meywe û kara wê, çi hind hêja û mezin e ku hişê te hebe û neriziya be tu yê bizanî û ji ahurman û wî merifê ku bal serkêşî û gewendetiyê va dajoniyan ra bibêje ku: Eger çara ku mirinê bimirîne û cihêtiyê ji cîhanê rabike û ahestî û belengaziyê ji merifan hilbide û derê gorê da bideyiyê hebe, bibêje em ê guh bidinê. Yan na, huş be! “Quran di mizgefta mezina cîhanê da heyîkan dixwîne. Em li wê ra guh bidin. Bi roniya wê va em ronî bibin û bi ravadayîna wê va bixebitin û em bi wî wirdî zimanî bigerînin. Erê, gotin ew e, û ji wê ra dibêjin. Heq dibe, ji heqê da tê, ê ku heqê dibêje û heqîqetê rava dide û hikmeta ronak belav dike ew e.”
