Erê merifê ku ji hebûkên wekî dûpişkekî yê bêçav û marekî bêling ra bindest bûyiyê ku ji kurmekî piçûk da hevirmûşê li wî dipoşîne, ji bihokekî bi jehrî da hingivê bi wî dide xwarinê, karina wî nîne. Belkê bindestkirina Xwedankî ye û dayina banînkariya mêwa jartiya wî ye.

   Hey merifo! Êdi ku binge wuha ye, pozbilindî û eztiyê bihêle. Di dergahê Xwedatiyê da ahestiyê û qelsiya xwe bi zimanê hewarê xwastinê va û belengazî û parsektiyên xwe bi zimanê niyazê va eşkera bike, peristakbûna xwe rava bide û

حَسْبُنَا اللّٰهُ وَنِعْمَ الْوَكٖيلُ

bibêje, hilkişe. Hem nebêje ku ez hîç im. Çi hêjatiya min heye ku ev cihana ji aliyê huwidedarekî bêberge da bi awayê daxwazî va ji min ra were bindestkirinê, ji min şabaşekî hemîşkî were xwastinê. Lewra tu çendan bi gorî nefsa xwe û rewşa xwe va mînanî hîçê yî. Lê noxta olam û payî da tu mînanî gervanekî tûjnêrînê vê cihana çagerinê, zimanekî axiftiyanê xweşbêjê van hebûkên huweydedar î, xwendekarekî hozanê vê nivîsîka cihanê yî, nêrîndarekî gêjvanê van afirandiyên tesbîhkar î, serhostakî rûmetdarê van çêkbirên peristak î.

   Erê, hey merifo! Tu bi aliyê gewdetiya xwe ya gihakiyê da û bi gorî xweganiya xwe ya canberî yê va perçekî piçûk î, parîkî kiçûk î, çêkbirekî belengaz î, canberekî jar î ku tu di nava pêlên hemî hebûkên kêşiyanûkên bêter da diçelqî û diçî. Lê di aliyê meriftiya ku bi perwerandina Îslametiya ronidarê bi roniya baweriyê ya hildarê tava evîniya Xwedakiyê va dighejêyî da tu di nav bendetiya xwe da padişahekî yî, di nav pariktiya xwe da hemîşkekî yî, di nav kiçûkiya xwe da cihanekî yî, di nav biçûktiya xwe da nêrindarekî were ciyê te mezin û çembera nêrîna te fire ye ku dikarî bibêjî: Xwedayê min ê banok cihanê ji min ra xanîkî çêkir. Hîv û rojê ji wî xaniyê min ra lambekî û biharê destekî gulê û havînê xwankî xwarinêyê û canberan jî min olamkar çêkir û gihaya divêkên sosikê wî xaniyê min çêkiriye.

   Çirêka gotinê: Tu eger nefs û ahurman guh bidê, bal jêrtirê jêran va dikevî. Eger li heqî û Quranê guh bidê, bal jortirê joran va derdikevî, dibî çehrekî rindtirînê cîhanê.

   NOTA PÊNCA: Merif, bal vê cîhanê va bi awayê fermanber û mêvanekî da hatiye şandinê. Amadiya pirr hêja jê ra hatiye dayinê.