Kitaplar
Koma Gotinan

li bal te hebe û bibînî, ka çêbike. Rava bide, em bibînin. Paşê bibêje: “Were em kêf bikin”. Yan na, huş be hey sersem! Ta ku kesê asîmanî, wekî (pîrê kesk) gotina xwe bibêje.”

   Êdî, ey nefsa min a ku di ciwaniya xwe da keniyaye, niha ji kenandina xwe ra digriye! Bizane: Ew eskerê bêçare tu yî û merif e û ew şêra jî, ecel e û ew dara spî jî, çûyîn û cîhêbûna ku di gerana şev û rojê da her dost, hevalê xwe dihêle, winda dibe û ewan du birînan jî, yekî wî, ahestegiyekî merifa ya rencdar û bêberge ye. A dinê, belengazîkî meriva ya êşdara bêdawî ye û ew koçandin û rêwîtî jî, rêwîtiyekî îmtihanê ye, dirêj e ku ji cîhana rewana da û ji zikê diyê da û ji zarokiyê da û ji kalaniyê da û ji vê cîhanê da û ji gorê da û ji navberiyê da û ji komandinê da û ji pirê da dibore û ewan du tilsiman jî, baweriya bi Xwedê û baweriya bi roja dawiyê ne.

   Erê, bi vê tilsima pak va mirin rewşa buraq û hespekî hînkirî ku merifê bawerkar, ji zindana cîhanê da bal bostanê bihiştan va û bal barîgaha rehman va dibe û digere. Ji  bo wê ye ku, merifên gehiştî yê ku bingeha mirinê dîtineyan, ji mirinê hez kirine. Hêj mirin nehatiye, mirinê xwestine. Hem çûyîn û cihêbûn û mirin û borîn û buhurana demê ya ku dara spî ye, bi wê tilsima baweriyê va rewşa çarageran û nêrîna pirr xweşê ya li taze taze û renga reng û celeb celebê mucîzatê neqş û xewariqê qudret û tecelliyatê rehmeta Xwedayê xwedî Celalê va digirin. Erê, veguheran û tezebûna ayînêd ku rengêd di tava rojê da yê rava didinan û veguherana perdeyên sînemayê, nêrîngahêd xweştir û baştir direwşînin û ewan du dermana jî, yekî wî bi sebrê va tewekkul e û sipartina bal qudreta Xwedê û paldana bal hîkmetê Wî va ye. Ma wusa ye? Erê, merivê ku bi belga ahesteyê va bal padîşahekî cîhanê yê xwedanê fermana 

كُنْ فَيَكُونُ

 ê va xwe disipêre, çi perwa wî çêdibe? Lewra li hemberê lêxistikekî bedtir da

اِنَّا لِلّٰهِ وَاِنَّٓا اِلَيْهِ رَاجِعُونَ

dibêje. Bi dilgermiyê, bal Xwedanê xwe yê Rehîm va pal dide. Erê, merifê Xwedênas, ji ahestiyê û ji tirsa Xwedê da noşîn dibe. Erê di tirsê da noşî heye. Eger hişê zarokekî yeksalî hebe û jê were pirsînê ku tewşa te ya xweştir û şirîntir çi ye? Belkî bibêje ku, ew tewşa ku ez ahestî û jarîtiya xwe bizanim û ji şîmaqa şîrîna diya xwe bitirsim, dîsa xwe bal singê telîzdarê diya xwe va bavêjim. Tewş ev e ku, têliziya hemî dayikan, meger çirûskekî xuyana bayîna Xwedê ye. Ji  bo wê ye ku merifên gihiştî, 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582583584585586587588589590591592593594595596597598599600601602603604605606607608609610611612613614615616617618619620621622623624625626627628629630631632633634635636637638639640641642643644645646
Fihrist
Lügat