Destavêtina li pêwendan jî curekî niyazkirinan e yê bizane. Sade ji Xwudayê bala da bixwaze û çêrikan ji wî da bizane û ji wî ra qencîbar bibe.

   Nimûna merifê ku xwe bal Xwdê va dispêre û yê ku naspêre, mînanî vê çîrokê ye:

   Li çaxa wî da du merfa hem li pişta xwe hem li sere xwe da barên giran bar kirin, ji gemîkî gir ra bilêtkî girtin û ketinê. Yekî wî dikevê nakevê barê xwe li ser gemiyê datîne, li ser rûtinê, dipayê. Ê dinê ji rûyê ku hem gunde ye, hem qurre ye, barê xwe danayne ser.

   Jê ra hat gotinê ku “barê xwe yê giran dayne ser gemiyê, bîna xwe bide.”

   Wî got: “Na! Ez danaynim. Belkî winda dibe. Ez stûr im. Ezê pirtalê xwe li ser li pişta xwe û serê xwe da biparêzim.

   Dîsa jê ra hat gotinê ku, “ev gemiya şahane ya ku me û we hildide yî stûrtir e û çêtir diparêze, belkê serê te digere, tu bi tevî barê xwe va dikevî deryayê. Hem peyda pey tu ji hêz da dikevî, ev pişta te ya kûz û ev serê te yê bêhiş ji van barên ku peyda pêy giran dibinan ra hêj nayênin. Qaptan jî eger te di vî tewşê da bibîne, yan ewê bibêje dîn e, ewê te qewtîne, yan ewê ferman bike bêje cixîze ji gemiya me ra bedgumaniyê dike, bi me va tinaza dike, bira were bendkirinê. Hem tu ji her kesî ra dibî pêkenî. Lewra bi kerkeretiya xwe ya ku di çavê tûjnêran da qelsiyê rava dideyiyê va û bi qurretiya xwe ya ku ahesteyiyê rava dideyî va û bi sextetiya xwe ya ku xwebînî û xwartiniyê rava dide yiyê va te xwe ji şênî ra kir pêkenî, her kes bi te dikene. “Piştî ku wiha hat gotinê, hişê wî bêçareyî hate serê wî. Barê xwe li ser zemînê danî, li ser rûnişt û got “ox! Xwedê ji te xweş be” ez ji zoriyê û zindanê û pêkeniyê riha bûm.

   Êdî hey merifê bêsipartin! Tu jî wekî vî merifî hişê xwe li serê xwe hilgire. Xwe bal Xwedê va bispêre. Ta ku tu ji parsekiya hemî heyikan da û li hemberî her bûyikê da ji lerzanê û ji xwe firotinê avê û ji pêkenînê û ji bedbextiya cîhana dinê û ji zindana givaştinê vê cîhaniyê da riha bibî.

   NUXTA ÇARA: Bawerî merifa digerîne merif, belkê merifa digerîne padîşah. Êdî ku were ye olama merifa yahîmaneyî bawerî û niyaz e. Gawirtî merifa digerîne jiyandarekî cinawirê pirr aheste.