GOTINA BÎST Û SISÊYA

Du kolgahê wê hene

 بِسْمِ اللّٰهِ الرَّحْمٰنِ الرَّحٖيمِ

لَقَدْ خَلَقْنَا الْاِنْسَانَ فٖٓى اَحْسَنِ تَقْوٖيمٍ ۞ ثُمَّ رَدَدْنَاهُ اَسْفَلَ سَافِلٖينَ ۞   اِلَّا الَّذٖينَ اٰمَنُوا وَ عَمِلُوا الصَّالِحَاتِ

Kolgaha Yekê

Ji hezaran rindiyên baweriyê da sade pêncê wan di pênc nuxta da em rava didin.

   NUXTA YEKÊ: Merif bi roniya baweriyê va bal bilindtirê bilindan va hildikişe. Bihakî ji bihiştê ra hêjayî digre û bi tariya gawiriyê va bal jêrtirê jêran va dikeve; bal tewşekî ji dojeyê ra sezabûyî yê va têdikeve. Lewra bawerî merifa bal Xwedayê wî yê mezinkar va dispêre. Bawerî sipartinekê ye. Êdî ku were ye merif bi baweriyê va li gorî pîşeyê Xwedê û nimûçên navêd Wî yên di merifa da xwiyaniyê va bihakî digire. Gawirî wê sipartinê dibirre. Ji wê birînê da pîşeyê Xwedê vedişare. Bihayê wê jî sade li gorî mayeyê da dimîne. Maye jî hem pûç e, hem ranûk e, hem jînekî canberikiyê borîk e. Ji wê yekê da mînanî hîçê ye. Emê vê razê bi nimûnekî va rava bidin.

   Nimûne: Di nav pîşeyên merifan da çawan ku bihayê mayeyê û bihayê pîşeyê cihê cihê ne. Carina wekî hev in, caran maye bihatir e, caran çêdibe ku di mayekî wekî hesinê yê pênc pere da pîşekî pênc pangnotan tê da heye. Belkî carina pîşekî antîke bihayê miliyonekî hildide, digel ku maya wî pênc pera kêr nayê. Êdî antîkekî were kî bal çarsûya antîke va nava here bal Hostayê wî yê têşikpîşe û hunerwerî pirr kevin va were sipartinê, bi wê pîşeyê û bi navhildana wî hostayî va were ravadayînê, bihayê milyonekî va tê firotanê. Eger bal çarsûya hesingerêd qaba here, bi bihayê hesinekî pênc pereyî va tê kirînê.