XUNAVA ÇARAN: Binêre, wisan ronîkî bingehî yê belav dike ku, eger tu di rewşekî derva yê ji wê çembera bingeha rêdariya wî ya ronî da li cîhanê binêrî, her hemin tu rewşa cîhanê mînanê sêwîxanekî giştanî yê dibînî û hebûkan ji hev ra yabanî, belkî dijmin û bêcanan mînanê termên bêtir û hemî jiyandaran, mînanê sêwiyên ku bi şimaqa çûyîn û cihêbûnê va digirînan dibînî.

   De niha binêre: Bi roniya ku wî belavkiriye yê va ew sêwîxana giştanê bal zikirxanekî di nav noş û xirûşê da yê va wergeriya yê û ewan hebûkên yabanî û dijmin ketin rewşa yek dost û birayan û wan bêcanêd miriyê hêmûş, rewşa yek fermanberê hogir û yek olamkarê bindest girtin û ewan sêwiyêd bêkesê girînkar û gilîdar ketin rewşa yek zikirdarê di nav tesbîhê da yan şabaşkarê ji feramûşa olamê da.

   XUNAVA PÊNCAN: Hem bi wê ronî yê va, tevger û cûretî û veguheran û veguhezanê di cîhanê da yî, ji bêdivêkî û ji beyhudetî û ji lîstika li hev rasthatî yê da derketin, bal cêrga yek nivîsarê homanî yê û yek pelên ayetên çêkiranî yê û yek ayîne yê navêd xwedakî yê va û cîhan jî, bal cêrga nivîsikekî hoyda homayên va derketin.

   Hem jarî û ahestiya merif û belengazî û parsekiya wî ya bêjimara ku wî, bal biniya hemî jiyandaran va xistine yê û hişê wî yê çara hildana ahîn û êş û mereqê ya kovî ji hemî jiyandaran bedbexttir kiriye yê, çaxa ku bi wê ronî yê va ronî bibin, merif di ser hemî jiyandaran û hemî çêkberan da hildikişe. Bi wî ahestî û belengazî û hişê ku ronî bûne yê va dibe padîşahikî nazenînê bi niyazê va û dibe çêgirtîkî zemînê yê nazdarê bi fîzarê va. Divêk ew e ku, ew roniya nebe, cîhan jî, merif jî, ta her tişt jî, bal hîçê tê xwarê. Erê, di cîhanekî wuha nîgar da kesekî wuha divê; yan na, gerekî cîhan û çerxan tune bin.

   XUNAVA ŞEŞAN: Êdî ew bala, agahdayî û mizgîndarê bextiyarîkî timmanî ye û pişkifdar û ravakarê banînka bêdawî ye û ravadar û nêrînkarê rindiyên padîşahiya xwedatî yê ye û bişkifkar û ravadarê gencînêd navên Xwedê ye, ji wê yekê da tu wuha binêrî, dibê ji aliyê perestiniya wî da binêrî tu yê wî, nimûnekî evînê û pêkdarekî banînê û anorekî merfatî yê û meywekî ronaktirê dara çêketinê yê tu yê bibînî. Tu wuhaka binêrî, dibê tu ji aliyê pêxemberiya wîda binêrî tu wî, radarekî rastî yê û çirakî bingehî yê û rojekî rêdarî yê û çarekî bextiyarî yê dibînî.