Ji  wê yekê da bingehîka wê rewaniya bingehînî yê bi giştanî va nagire. Bi nimûne yê va, Balayê Cibraîl, di pêlekî ku di çehreyê Dihye El-Kelbî da li berga Pêxember da hebû, di berga Xwedê da bi baskên xwe yê çagirîn va li ber erşê mezintir da bal kundeyê va diçû. Hem di wê pêlê da di ciyên bêjimar da hebû, fermanêd Xwedê digihêjand. Êdî ji vê razê daye ku, Bala Pêxember -xweşî û geşî lê- yê ku, bingehîka wî, ronayî ye û xuyahîka wî ronîdar e yê, li cîhanê da selewatê hemî ummeta xwe, bi carkê va dibihêze û di roja rabûnê da bi hemî hişzelalan va di gavekî da hevdu dibînin. Yek ji yekî ra engel nabe. Heta ji rewşendilan da hinkê wan ê ku pirr ronayîtî yê peyda kiriye û jê ra guherok tê gotinê yê, di pêlikî da li gelek ciyan da dihat dîtinê. Ew kesa bi xwe, cûre cûre pirr karan dikir. Erê, çawan ji gewdegana ra tiştên wekî şûşe û avê dibin ayîne. Wisan jî, ji rewanîkan ra jî hewa û esîr û hinkê hebûkên cîhana nimûnegî yê, di ciyê ayînê da û di lezana birûsk û gumanê da dikevin rewşa navberekî ger û geranê û ewan rewanîkana bi leza gumanê va di wan neynikên zelal da û di wan xaniyên nazik da digerin. Di gavekî da dikevin hezaran cî yê. Êdî ku çêkberên ahest û bindestê wekî rojê û çêkberên nîvronak ên bendkiriyên bi maddeyê va yên wekî rewanîkê yê, bi raza ronatiyê va dema ku di cîkî da ne, li gelek pir ciyan dikarin hebin. Û dema ku, parîkekî bendekirî ne, ciyê hemîşîkekî bêberge yê digerin, di pêlekî da bi daxwazîkî parîk va gelek pirr karan dikarin bikin.

   Gelo, Xwedakî Paktirînê ku ji madde yê da rût û bala ye û ji benda bergekirinê û ji tariya qalindî yê da pak û paqij e û van hemî ronayî û hemî ronakan, sîkê tarî yê roniyêd pakê navêd wî ne û hemî hebûn û hemî jîn û cîhana rewana û cîhana nimûnê, ayînekî nîv ronakê zîbatiya wî ye û rewşên wî fireh in û karên wî hemîşkî ne, ma ji berîdana tekîtiya di nav xuyana rewşên wî û vexuyana kirinêd wî yê bi daxwaza hemîşkî û karîna bêberge û zanîna çemberdar dayî yê da ma kîjan tişt dikare xwe veşêre? Û kîjan tişt dikare giran were? Û kîjan tişt dikare wenda bibe? Kîjan kes dikare dûr bimîne? Kîjan kes bê peydakirina hemîşkiyê va bal wî va dikare nêzîk bibe?

   Erê çawan roj, bi navberiya roniya xwe ya bêberge û vajîka xwe ya mayeyî va ji te ra ji bîbika çavê nêzîktir e. Di gel ku tu, ji bo girêdayîbûna xwe ra ji wê da pirr dûr î. Ji  bo nêzîkbûna bal wê va yê ra ji pirr bendan rûtbûn û ji pirr cêrgên hemîşkî da derbazbûn divê.