Erê, di Quranê da hinkê komandinê hêja heye ku, ji sitûrbûna dijmina da pêşda nayê. Belkî ji pêwendên wekî eşkerakirina çagerî û ravedayîna riswatiya dijmin da pêşda tê. Hem caran ji bo ravadayîna gihêştina dûzanê û dawiya dadgînî yê û pirr li bihnfirehtî yê û zora daweriya xwe yê ra pêwendên mezin û sitûrtirê, li hemberê tiştekî piçûk û jartirî da kom dike û li ser wî da digire, naxîne, nade êrîşandinê. Bi nimûne yê va, li vê ayetê binêre:

وَاِنْ تَظَاهَرَا عَلَيْهِ فَاِنَّ اللّٰهَ هُوَ مَوْلٰيهُ وَجِبْرٖيلُ وَصَالِحُ الْمُؤْمِنٖينَ وَالْمَلٰٓئِكَةُ بَعْدَ ذٰلِكَ ظَهٖيرٌ

   Çi hind ji heqê Pêxember ra rûmet û çi hind ji heqêd jinêd wî ra banîntî heye. Evan komandinêd hêja, sade ji bo ravedayîna banînkarane ya mezinatiya rûmeta Pêxember û hêjatiya gilî û parêztina heqên wan du jinikên jarik ra ye.

   PÊPRÎKA HEFTAN: Mînanê periyan û mahsiyan, yê stêrkan jî, kitên wan ê pirr cihêk hene. Hinkê wan pirr piçûk in û hinkê wan pirr gir in. Heta ji her ayîsanê li rûyê asîman da yê ra stêrk tê gotinê.  Êdî ji celebê van stêrkan da cûrekî wan jî, mînanê sosikên zîvandî yê rûyê nazenînê asîmanê ne û mînanê meywên ronandiyê wê darê ne û mînanê mahsiyên tesbîhkarê wê derya ne, Afirîdê Mezinkar û Hostayê Zîbadar wana çêkiriye û ji periyên xwe ra gerîngah û siwargah û kunaxgah gerandiye û cûrekî piçûkê stêrkan jî, ji qewtandina ahurmana ra alet gerandiye. Êdî, van kozên ku ji bo qewtandina ahurmana ra tên avêtinê yê, dibe sê divêkê wan hebin:

   A Yek: Ji hebûna ku, qanûna êrîşanê yê, di çembera firehtir da jî, dikudîne yê ra raz û nîşan e.

   A Diduya: Ji bona ku di asîmana da paykanêd hişyar û şêniyê olamkar hene û eskerên Xwedê yên ku, ji tevanî û guhdayîna ziyankarêd zemînê yê ra kêfxweş nabinan hene yê ra eşkeratî û nîşanetî ye.

   A Sisêya: Ji bo ku ahurmanêd guhvêtî ravedarên pîsê gemarêd zemînê yê, asîmanê pak û ciyê pakan qirêj nekin û bi jimarîka canêd pîs va guhvêtiyê nekin. Mînanê manganîk û fîşengên nîşanê yê ku, ji bo guhvêtiyên gewende yê ra tên avêtinê yê. Wan ahurmana ji dergên asîmanê da bi wan kozan va randin û qewitandine.

   Êdî hey xwenda yê çirixvanê hêja yê ku, li fenera qafê xwe yê mînanê gûstêrkê yê dipalîne û ji roja Quranê da çavê xwe dimalîne yê!