Yekê wê: Padîşahkî du cûre axiftina wî û di du rewşa da gotina wî heye. Yekî wî, bi merivkî nimiz ra ji bo karekî hûrik ra di warê xwestekekî arizî da bi axiftokekî arizî va axiftin e. Ya dinê, bi nîşana padîşahiya mezin va û bi navê cîgirtina bala va û bi aliyê daweriya giştanî va bi daxwaziya belavandin û ravedana fermanêd xwe li kenaran da yê va bi şandîkê xwe ra yan bi fermanberekî xwe yê mezin ra axiftin e û bi fermanekî bala yê ku çagiriya wî rava dide yê va peyîvandin e.

   Nimûna Diduya: Merivkî, di destê xwe da neynikekî li pêşberê rojê da digre, bi hindê wê neynikê va tavekî werhatî yê li ronîkî û li heft rengayê hildide. Bi wê goreyê va bi rojê ra hevwar dibe û diaxêfe û wê neynika ronîdarê bal xaniyê xwe yê tarî va yan bal baxê xwe yê di bin banê da yê va rûdar bike, li gorî bihatiya rojê da na, belkî bi hindê hilîka wê neynikê va dikare ji wê da kar bibîne. Her çîke, yê dinê yê, ji xaniyê xwe da yan ji banê baxê xwe da kulekên fireh vedike, li hemberê roja li asîmana da yê rêyan çêdike. Bi tava timmaniya roja bingehî ra diaxêve û dipeyîve û bi zimanê tewşê va wuha qencîgoyane axiftinekî dike û dibêje: “Hey roja nazenîna rinda cîhanê û nazdara asîmanê ya ku rûyê zemînê, bi tava xwe va zêrav kiriye û rûyê hemî kulîlkan kenandiyeyî! Te, mînanê wana xanîkê min û baxçekê min, germ kir û ronî kir.” Tewş ev e ku, xwediyê neynikê nikare wuha bibêje. Vajîka rojê ya di bin wê bendê da hunerê wê hindik e, li gorê wê bendê ye.

   Êdî, bi dûrbîna van du nimûna va li Quranê binêre. Ta ku tu bikarî ahistandina wê bibînî û pakiya wê bizanî.

   Erê, Quran dibêje ku, “Eger darên li zemînê da bibin qelem, derya bibin hibir, axiftikên Xwedê binvîsin, nikarin riha bikin.” 

   Niha di nav van axiftikên bê dawî da pêwenda dayîna ciyê balatir ji Quranê ra ev e ku, Quran ji navê Xwedê yê mezintir da û ji cêrga mezintiriya her navê da hatiye. Hem bi gorê Xwedayê hemî cîhana va axiftina Xwedê ye. Hem bi nîşana Xwedayê hemî hebûkan va fermana Xwedê ye. Hem ji alîtiya çêkdarê zemîn û asîmana da axiftinekî ye. Hem di aliyê xwedatiya bêberge da peyîvanekî ye. Hem bi gorê padîşahiya giştaniya pakîn da axiftinekî ezelkî ye. Hem di nuxta rehmeta fireh ya çemberîn da defterekî xweşnêrînêd rehmanî ye.