Hey nefsa min a sersem û hevalê min ê pirr hewes! Gelo ma hûn guman dikin ku, olama jiyana we sade bi perweriya bajarkî va rind parêztina nefsê ye? Ma şerm nebe, li olama zik û binzik va bende kiriye? Yan jî ma hûn guman dikin ku, van nazenîn û veşarikên nazik û van leş û aletên pirr bihik û van dirrek û çekên dizgûn û wan bihik û bihikdarên bihêkî ku di makîne jiyana te da hatine xistinêyan, amanca wana yekane di vê jîna pûç da ji bo pêkanîna hewesên daketî yê nefsa gewende ra ma li xebitandinê yê bendekirî ye? Na û tew na! Belkî amanca çêkirina vana ya di hebûna we da û dawîka xistina evana ya di afirîka we da ye, du hîm in:
Yekê wê ew e ku, Xwedayê Qencîkarê Bingehî, her cûrekê hemî qenciyêd xwe bi we bide bihêtinê û bide şabaşkirinê. Hûn jî bibihîn, şabaş û perestina wî bikin.
A dıduya ew e ku; keriyên hemî vexuyanêd navên Xwedê yê pak ê ku li cîhanê da xuyakirineyan yek û yek ji we ra bi navbera wan leşan va bide zanîn û nasînê. Hûn jî bi çejinandinê va binasin û baweriyê bînin.
Êdî, li ser van du hîman da balatiya merifaniyê çêdibe û hêşîn dibe û bi vêya va meriv dibe meriv. Li bûyîna ku leşên merifatiyê wekî leşên dewara ji bo qezenckirina jîna cîhanê ra nehatine dayînê. Bi raza vê nimûnê va lê binêre:
Bi awayê nimûne, kesekî bala ji olamkarekî xwe ra bîst zêr dayê, ta ji qumaşê arizî da ji xwe ra destekî pot bikire. Ew olamkara çû ji balatirê wî qumaşî da potekî tekûz kirî û li xwe poşa. Paşê dît ku ew kesê bala ji olamkarekî xwe yê dinê ra hezar zêr dayê. Kaxezekî ku hinek tişt tê da nivîsandiyeyê di bêrîka wî da danî. Bal bazirganiyê va şand. Niha, yê hişê wî li serî ye dizane ku ew sermiyana ji bo kirîna destekî pot nîn e. Lewra olamkarê berê bi bîst zêra va ji qumaşê balatir da destekî çek kiriye. Ji wê yekê da her hemin ev hezar zêra li destekî çek ra nayê dayînê. Heger ev olamkarê duduya, kaxeza ku li bêrîka wî da hatiye danînê nexwîne, belkê li olamkarê pêşîn binêre, hemî perê ji dikandarekî ra ji bo destekî pot bideyê, hem jî rizîtirê wî qumaşî da û ji potê hevalê xwe da pêncî carî berjêrtir potekî bikire, her hemin ew olamkara di cêrga dawîn da guhnedetî kiriye, ji bi wî yekî ra ew ê bi zorê va were azirandinê va û bi tûjayî va were guşmalandinê.
