Kitaplar
Mesnewiya Nûriye

Nukte

 

   Ey heval! Îman, di navbera hemû tiştan de, biratî û îrtibateke heqîqî û rabiteyên îttihadê saz dike.

   Kufir jî, wek sarî û sermayê, her tiştî ji hevûdu dûr dixe, û wan ji hevdu re dike ecnebî û neyar. Ji ber vê qasê, di ruhê mumîn de, kîn û neyartî û hovtî tune ye. Bi dijminekî xwe yê herî mezin re  –di alîkî de– biratiya wî heye. Di ruhê kafir de, çawa hirs û neyartî heye; wusan jî,  terefdarî û îtimada wî ya bi nefsê jî, pir e. Lewma, di heyata dunyayê de, xalebe carna dikeve destê kafiran. Û dîsa, kafir heyata dunyayê de mukafatê qenciyên xwe, qismen dibîne. Û mumîn jî, cezayê xerabiyên xwe dibîne.

   Lewma, hatiye gotin ku: “Dunya ji kafiran re wek cennet e(yanî li gor axiretê) û ji mumînan re wek cehennem e(nîspet bi bal seadeta wî ya ebedî ve. Ya rast, mumîn di heyata dunyayê de jî, sed qat mesûdtir e.)”

   Û dîsa, îman, însan diqulibîne bi bal cewherekî wusa ku hêjayê ebediyet û cennetê ye. Lêbelê kufir, ruh û qelbê însan ditefîne, difetisîne û di nav tarîtiyê de dihêle. Lewra îman, dendikê di nav qaçilê de, nîşan dide. Feqet kufir, qalik û dendikê, ji hev ferq nake. Qalikê jî, wek dendikê dibîne. Însan ji mertebeya cewhertiyê, dadixîne dereka komirtiyê.

Nuqte

 

   Ey heval! Li gora dereca nexweşiya qelb û ruh, mêl û muhebbeta ji ilmên felsefeyê re, zêde dibe. Ew merezê nexweşiyê jî, li gora mijûlaya bi ilmên eqlî ne. Nexwe, nexweşîyên manewî, însan sewq û teşwîqê bi bal ilmên aqlî dikin. Kesê ku meşxûlê ilmên felsefeyê bibe, mubtelayê nexweşînê qelbî, dibe.

   Û dîsa, min du rûyê dunyayê dît.

   Rûyekê wê: Kêm-zêde, dostanî û xweşikayiyeke wê ya zahirî hebe jî, hundur û batinê wê, bi wehşeteke daîmî, tijî ye. 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304
Fihrist
Lügat