Kitaplar
Mesnewiya Nûriye

bi întizameke wusan çêdibin û tên meşandin ku tu şik û şuphe namîne ku ew terbiye û tedbîranan, bes yê zatekî Semî’ û Besîr û Elîm û Hekîm in.

   Gelo ewî zatî (s.) di wê mînbera bilind de, berê xwe daye erşê ela û destê xwe rakiriye û dua dike; ma çi dixwaze ku temamê mexlûqat  jê re dibêjin “amîn”?

   Belê ew zata, riza Xwedê Teala û hevdîtina li cennetê û rûyeta cemal û seadeta ebedî dixwaze. Ger sebebên wek edalet û rehmet û hikmet ên bêhejmar ên ku sedemê îcada wan xwestekan in, tune bin jî; duayekî ewî zatê nûranî, gazî û niyazeke wî, ji çêkirina cennetê re û ji dayîna wê re kafî ye. Ji ber vê qasê, pêxembertî û rîsaleta wî zatî, çawa bûye sebebê çêkirina evê dunyayê, ji bo îmtîhan û ubûdiyetê; wusan jî, ûbûdiyet û duayê wî zatî, dibe sebeb ku dîyarê axiretê îcad be, bo mukafat û mucazatê.

   Belê, di navbera evê întizama bilind û rehmeta fireh û senetê bedew û cemala bêqusûr û zulm û xerabiyê de, ziddiyet û nakokî heye. Ne mumkun e ku di cîhekî de kom bin.

   Belê, bihîstin û qebûlkirina dengekî herî piçûk, ji yekî herî piçûk, ji bo karekî herî piçûk; li aliyê din jî, nebihîstin û qebûlnekirina sewt û sedakî herî bilind, ji bo meqsedekî herî mezin, qusûr û xerabiyeke bêemsal e. Ev yeka jî, ne mumkun e. Lewra husna zatî, naqulibe qubha zatî. Lewra înqilaba heqîqetan, muhal e.

   REŞHEYA DONZDEHAN: Ey heval! Ew tiştê ku te ji wî xetîbê murşîd dîtiye û seh kiriye, kafî ye. Lewra îhateya hemû halên wî, ne mumkun e. Ew çax, em ji para bizivirin û her wuha, bala xwe bidine ewan esrên ku li pey wî zatî hatine û feyz û bereketa wî girtine.

   Ey heval binêre! Ev hemû sedsalên hanê, ji roja wê esra seadetê, veqetiyane û bi hezaran sitêrkên bi şewq û şemal ên mîna Ebû Henîfe, Şafî, Bayezîdê Bistamî, Cuneydê Bexdadî, Abdulqadirê Gêylanî, Îmamê Xezalî, Muhyeddînê Erebî, Ebû Hesenê Şazelî, Şahê Neqşibend, Îmamê Rebbanî (Radiyallahû Anhûm Ecmeîn) alema beşerî rohnî û rewşen kirine.

   Em tefsîlata meşhûdatê xwe bihêlin zemanekî din, niha li ser wî zatê nûranî yê xwedî mucîzat, selat û selamekî binîn:

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304
Fihrist
Lügat