Kitaplar
Mesnewiya Nûriye

   2- Lazim e ku di bedena însan de, qalibên bi qasî hejmarên murekkebên cûrbecûr ku ji zerreyan pêk tên –ên wek wan qalibên ku li çapxaneyan, pê herfan tertîp dikin– hebin.

   3- Lazim e ku her zerreyek, wek wan kevirên kemerên kargîr, him hakimê hevalê xwe be û him jî mehkûmê wan be. Û her wuha, lazim e ku her yekî wî, ji yên din re, him bibe zid û him bibe misl û him bibe mutleq û bêsînor, him bibe muqayyed û mehdûd.

   Muhalên kelîmeya Duduyan:

   1- Me’xez û madena însan, yanî maddeyên ku wucûda însan pê hatiye çêkirin, maddeyên wek wan dermanên cihê cihê û cûrbicûr in ku di şûşeyên devê wan mohr kirî yên eczexaneyan de ne. Ger mumkun be ku bêyî destê kesî lêkeve û bi qasî îhtiyacê û bi întizam û pîvan û bi muwazeneya mukemmel, ew dermanan bi xwe berê, yanî bi serê xwe, ji wan şûşeyan derkevin û bikevin weziyeta melhemê; ew çax mumkun e ku însan jî, bê Sanî û senetkar, ji aliyê sebeb û maddeyên bêcan ve, hatibe çêkirinê.

   2- Çiqas muhal e ku tiştek –bi întizama tam –bi aliyê sebebên bêhed û kor û kerr û bêcan û bêhiş ve, çêbe; ewqas jî muhal e ku însan bi wan maddeyan û bêyî senetkar çêbe. Hale hale têkiliya sebebên maddî, tenê bi aliyên dervayê eşya ve, heye. Nufûza wan a bi aliyê hundirê wan ê bi neqş û hunerên letîf û nazik û narîn û xerîb, tune ye.

   3- Li gor îcab û îqtizaya ewê kelîmeyê, lazim e ku sebebên bêsînor, tev bi hev re û bi întizam û bi qasî îhtiyacê, di yek tiştekî de, di hucrekî de bicivin. Bi vê civînê, gere alem bi tevî ezameta cuz û ruknên xwe, bikeve kefa destê te û kom be. Lewra gava sebeb, bibin hostayê însan, ji ber ku hemû rukn û cuzên kaînatê bi însan re eleqedar in, divê di xulqa însan de, bibin amil û hosta. Hosta wexta ku tiştekî çêke, gere di navê de be ku karibe çêke. Ew çax di hucrekî însan de, gere hemû beşên alemê bicivin. Ev yeka, muhalek e wusan e ku muhala herî mumtenî’ û nemumkun e.

   Muhal û batilbûna kelîmeya sisêyan.

   Belê, du aliyên tebîetê hene. Aliyekî wê, zahirî ye ku ji teref ehlê xeflet û dalaletê ve, wek heqîqet hatiye zenkirin.

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304
Fihrist
Lügat