Duyemîn: Bi awayekî vebir min bawerî aniye û zaniye ku ev dinya mêvangehek e ku zû tête guhertin; ji ber wê çendê ne welatê rasteqîn e, her der wek hev e. Madem ez ê di welatê xwe de mayînde nemînim, hewldana bêfeyde ya ji bo çûna wir bi kêrî tiştekî nayê. Madem her der mêvangeh e; eger dilovaniya Xwediyê Mêvangehê yar be her kes yar e, her der bi kêrî tê; eger neyar be, her der ji dilî re bar e û her kes neyar e.
Sêyemîn: Serîlêdan di çarçoveya zagonê de çêdibe. Lê belê, ev kiryariya ku ev pênc sal e di hemberî min de çêdibe keyfî ye û ji keyfiyê wêdetir e. Li gorî qanûna mişextan kiryarî bi min nehat kirin; ez ji mafên medenî, teqez ji mafên dinyayê bêpar kirim, bi wî awayî li min nihêrîn. Ew kesê ku kiryareke ne li gorî zagonê (fewqel qanûn) bike, serîlêdana bo wan ya li ser navê zagonê bêwate dibe.
Çaremîn: Îsal serkarê vir li ser navê min serîlêdan kir ku ez ji bo çend rojan li gundê Bedre ya wek taxekî Barlayê ye, bimînin, destûr nedan. Yên ji bo hewceyiyeke min ya ne girîng bersiveke neyînî bidin dê çawa serî li wan bête dayîn. Eger serîlêdan çêbibe dê bibe nizimbûneke bêfayde ya di nav kindê de.
Pêncemîn: Ew kesên ku neheqiyê wekî heq dizanin, dozvekirina derbarê wan de û serîlêdana bo wan bêmafiyek e û bêrûmetiyek e hemberî heq û mafan. Ez naxwazim vê bêmafiyê û vê bêrûmetiyê ya derbarê mafî de bikim, wesselam.
Sedema Şeşemîn: Ev tengezariya ku ehlê dinyayê didin min ne ji ber siyasetê ye. Lewra ew bi xwe jî dizanin ku ez tevlî siyasetê nabim û ez jê direvim. Teqez vê êşkenceyê bi zanîn yan bi nezanî, li ser hesaba bêdîniyê, ji ber girêdana min a bi olî ve ye dikin. Madem welê ye, serîlêdana bo wan tête wateya jovaniya ji olê û dilxweşkirina mesleka bêdîniyê. Lewra ez hinde serî li wan bidim û xwe bavêjim bextê wan dê çarenûsa xwedayî ya dadmend min bi destê wan yê zordest biêşîne. Lewra ew ji ber girêdana min a bi olê ve min diêşînin; lê çarenûs, ji ber ku di ol de û di îxlasê de kêmasiyên min hene û carcaran ez durûtiyê bo ehlê dinyayê dikim loma min diêşîne. Madem holê ye, vî qasî rizgariya min ya ji vê diltengiyê tune.
