Lê şaristanî bo ehlê diyanetê yên reben û bo ehlê Îslamê xetereyek mîna zebaniyê Dozexê tîne, wan dixe bin esaret û xîzaniyê.

   Va ye her çiqas bi derketina Îsewîtiyê ya bi dînê heq û bihevrebûna wê ya bi Îslamiyetê ve di cîhanê de bi piranî nûra xwe belav dike. Lê belê nêzîkî rabûna Qiyametê peydabûna bêdînîtiyê dîsa derdikeve, têk dibe û li gorî distûra “El-hükmü li’lekser” li ser rûyê erdê yên bibêjin “Ellah Ellah” dê nemînin. Ango wateya wê ev e; dê cemateke gelek mezin li dinyayê bibe xwediyê meqamekî gelek girîng û bi vî awayî dê “Ellah Ellah” neyê gotin. Yan jî ew ehlê heq yên hindik mayîn, yan jî têkçûyîn dê heta Qiyametê dewam bikin; bes beriya wê dema ku Qiyamet rabe giyanên ehlê îmanê wek esereke rehmetê tên standin, da ku wê dehşeta rabûna qiyametê nebînin, qiyamet dê li serê kafiran rabe. ¹

   Wateya pirsa we ya pêncemîn:  Gelo giyanên baqî (erwahê baqiye) dê ji bûyerên Qiyametê xemgîn bibin?

   Bersiv: Dê li gorî dereceyan xemgîn bibin. Wek çawa ferîşte di tecelliyata qehrî de li gorî xwe xemgîn dibin ew jî dê welê xemgîn bibin. Wek çawa ku mirovek li dereke germ be li derve  hin mirovên ku ji serma di nav berf û bahozê de diricifin bibîne dê li gorî aqil û wijdana xwe xemgîn bibe; eynen welê giyanên baqî (erwahê baqiye) ku xwedî şiûr in ji ber ku pêwendiya wan bi gerdûnê re heye, li gorî dereceyên xwe ji bûyerên mezin ên gerdûnê xemgîn dibin; eger ehlê ezabê bin dê bandoreke kul û qehrê bikeve ser wan; eger ehlê bexteyariyê bin dê bandoreke heyretê û ya ecêbmayînê dayne ser wan. Ya rast ji aliyekî ve dê mizgîniyê bidine hev; Qur’an îşaretê vê dike. Lewra Qur’ana pîroz dema behsa tiştên sosret yên Qiyametê dike her dem di awayê gefê de behs dike. Dibêje: “Hûn ê bibînin!...” Lê belê yên bi cismê însanî dibînin ew in ên digihîjin Qiyametê. Nexwe, ew giyanên ku cesedên wan di gorê de riziyane jî behreke wan a di gefa Qur’anê de heye.

   Wateya pirsa we ya şeşemîn:

كُلُّ شَىْءٍ هَالِكٌ اِلاَّ وَجْهَهُ

   Gelo ev ayet Bihiştê, Dozexê û ehlên wê digire nav xwe  yan na?