heta erwahê gelek weliyên ku mirine bi cesedê mîsalî dişîne dinyayê elbet dê ji bo husna xatîmeyeka herî girîng ya Îslamê Hezretê Îsa bişîne; belê neku Hezretê Îsayê ku bi cesedê xwe ve li asîmanê dinyayê ye û dijî, ya rast eger çûbûya quncika herî dûr ya alema axretê jî û bi rastî mirîbaya jî ji bo encameke holê mezin dê dîsa ji nû ve bi cesed kiriba û şandibû dinyayê. Ev şandina wî ya bo dinyayê ji hikmeta wî Hekîmî ne dûr e, ya rast, ji ber ku hikmeta wî welê xwestiye soz daye û ji ber ku soz daye elbet dê bişîne.

   Dema Hezretê Îsa Eleyhisselam hat ne lazim e ku her kes zanibe ku ew Îsayê rastîn e. Dê yên nêzîkî wî û yen giregir (xewas) bi nûra îmanê wî nas bikin. Yan jî her kes dê nikare welê eşkereyî wî nas ke.

   Pirs: Di rîwayetan de heye ku “Bihişteke derewîn ya Decalî heye, hevalbendên xwe diavêje tê de; hem dozexeke derewîn jî heye ku yên nebin hevalbendên wî diavêjê. Heta, wî guhekî kerê xwe kiriye mîna Bihiştê, guhê dî jî kiriye mîna Dozexê, mezinahiya laşê wî evqas e, ewqas e…”salixên holê hene.

   Bersiv: Şiklê şexsî yê Decalî mîna mirovan e. Ji ber ku qure ye, hem bûye mîna Fîr’ewn û Xwedê ji bîr kiriye; şeytanekî ehmeq û mirovekî hîleker e ku navê xwedayîtiyê daye serweriya xwe ya şiklî û ya zalim. Bes cereyana mezin ya bêdîniya wî ku şexsê manewî ya wî ye, gelek mezin e. Wesfên erjeng yên derbarê Decalî de ku di rîwayetan de hene îşaretê wê dikin. Demekê, wêneyê serfermandarê Japonyayê holê hatibû teswîrkirin: Lingekî wî di Okyanûsa Etlesê de, lingê dî jî di kela Port Artu ya qonaxa deh rojan dûr de. Bi teswîrkirina wî fermandarê biçûk yê Japon ya bi vî şeklî ji boyî nîşandana şexsê manewî ya artêşa wî ye. ¹

   Lê belê heçî Bihişta derewîn a Decal e, kêf û şahî û fenteziya dilniwaz ya şaristaniyê ye. Lêsiwara wî jî amrazên mîna trênê ne ku di seriyeke wê de argona êgir heye ku carcaran wan kesên ku nabin peyerewên wî tavêje tê de. Guhekî wê lêsiwarê ango seriyê dî mîna Bihiştê hatiye raxistin, wan kesên ku bûne peyrewên wî li wir dide rûniştandin. Jixwe trêna ku lêsiwareke girîng a şaristaniya gewgezer û xedar e, bo ehlê dinyayê û ehlê gewgezeriyê Bihişteke derewîn tîne.