Yek: Divê mirov salekê bigere heta mirov bigihê wê rojê. Ji bo bidestxistina vê nêzîkahiyê pêwîst e qonaxa salekê bê derbaskirin. Ev jî karê ehlê silûkê ye, bêhtirîn ehlê terîqetê bi vê rêyê diçin.

   Ya Duyemîn: Ew e ku ji qalikê cismê maddî yê bi demê ve girêdayî cuda bibe, ji aliyê giyanî ve bilind bibe û Leyletul Qedra şevê dî digel şeva eydê ya roja pey wê bi hev re mîna îro hazir bibîne. Lewra giyan bi demê ve ne girêdayî ye. Dema hestên mirovî derketin dereceya giyanê, hingê dema hazir fireh dibe. Ew demên ku li ba hinên din raborî û dahatû ne li gorî wê dema hazir in.

   Va ye li gorî vê nimînandinê, ji bo gihana Leylet-ul Qedra şeva din pêwist e mirov hilkeve dereceya giyanê û raboriyê mîna îro bibîne. Esasa vê raza kûr aşkerebûna (înkîşaf) bi nêzîkahiya Xwedê ye. Mînak, tav nêzîkî me ye; lewra ronahî, germî û mînaka (mîsal) wê di neynika me de ye, di destê me de ye. Bes em ji wê dûr in. Eger em ji aliyê nûraniyetê ve nêzîkatiyê hîs bikin, pêwendiya xwe ya bi tîmsala wê re ku mîsala di neynika me de ye fêm bikin, bi wê wasiteyê wê nas bikin; em zanibin ka ronahiya wê, germiya wê û heyeta wê çi ye dê nêzîkatiya wê bo me diyar bibe û em ê wê nas bikin û pê re pêwendiyê deynin. Eger em ji aliyê dûrbûna xwe ve bixwazin nêzîkê tavê bibin û wê nas bikin wê demê em ê mecbûrî gelek gerên fikrê (seyrê fikriye) û rêgirtinên aqil (ango silûka eqlî) bibin… ku divê em bi qanûnên fenê, bi fikrê (fikren) biçin asîmên û tavê bînin ber çavê xwe… piştî ku me lêkolînên zanyarî yên berfireh li ser ronahî û germiya wê û li ser heft rengên ku di ronahiya wê de ne kir û me ew fêm kir? ancax wê demê em dikarin nêzîkayiyeke manewî bi dest bixin? lê mirovê pêşî ew nêzîkayî bi ramîneke (tefekkûr) hindik di neynika xwe de bi dest xistibû.

   Va ye mîna vê nimandinê, welîtiya pêxemberiyê û ya di weraseta pêxemberiyê de ye dinêre xuyakirina (înkîşaf) raza nêzîkatiyê (sira eqrebiyet.) Welîtiyên dî bi piranî li ser esasa nêzîkayiyê (eqrebiyet) diçe. Di gelek mertebeyan de mecbûrî seyr û silûkê dibe.

   Meqamê duyemîn: Yên bibûn sedema wan bûyeran û ew fesadî dikirin ne tenê ji çend Cihûyan pêk dihat ku bi eşkerekirina wan pêşî li fesadiyan were girtin. Lewra ji ber ku gelek neteweyên cihê cihê ketibûn nava Îslamê gelek qewmîn û ramanên dijê hev têkilî hev bûn. Xasma, ji ber ku xurûra netewiya hinekan bi derbên