Kitaplar
Mektûbat

   Di her tişta ku bête serê mirov de du sedem hene; yek ya zahirî, ya dî jî heqîqî. Ehlê dinyayê bo sedemeke zahirî û ez anîm vê derê. Lê çarenûsa Xwedayî (qedera îlahî) sedema heqîqî ye, ez mehkûmê vê înzîwayê kirim. Sedema zahirî zilm kir; lê sedema heqîqî dadmendî kir. Ya zahîrî holê hizir kir: “Ev mirovê hanê dê ji bo ilmê, bo dîn, gelekî xizmetê bike. Dibe ku têkilî karê me yê dinyayê bibe.” Ji ber vê ihtimalê ez mişext kirim û ji sê aliyan ve zilmeke qet qet kirin. Lê belê çarenûsa Xwedayî ji bo min dît ku ez nikarim tam biheq û biîxlas xîzmeta dîn û ya ilmê bikim. Ez mehkûmê vê mişextiyê kirim. Zilma wan ya bi qet qet wergerande dilovaniyeke du qatî.

   Madem di mişextiya min de çarenûs serdest e û ew çarenûs jî dadmend e, ez ê serî li wê bidim. Sedema zahirî jî hin tiştên bahane ne. Nexwe, tu wateya bo serîlêdana wan tuneye. Eger di destê wan de mafek yan jî sedemên xurt hebûna wê demê serîlêdana bo wan çêdibû.

   Serê wan bi xwe û gora ku wan kolayî ew bi xwe têkevin tê de. Lewra min bi yekcarê dest ji dinyaya wan berdaye û siyaseta wan terikandiye. Digel vê çendê ji ber ku tu esil ji hêcet û gumreşiyên (ewham) ku ew dihizrînin re tune ye, ez naxwazim bi serîladana xwe heqîqetekê bidim wan gumreşiyan. Eger daxwazeke min li ser têkilbûna siyaseta dinyayê ku serê wê di destê biyaniyan de ye, hebûya, ne ku heşt salan heşt demjimêr (saet) derbas nedibûn dê diyar bibûya, dê xwe nîşan bidaya. Lê belê, ev serê heşt salan e, ku daxwazeke min ya xwendina rojnameyekê çênebûye û min nexwendiye. Ev çar sal in ez di bin çavdêriyê de me; ti tişt diyar nebûye. Nexwe, bilindayiyeke welê ya xizmeta Qur’ana pîroz heye ku êdî rê nade mirov ku heta li xwe bigire ku têkilî siyaseta dinyayê ya piraniya wê ji derewan/derewkirinê pêk tê bibe.

   Sedema duwemîn ya serîlênedana min ev e: Ku mirov di hemberî wan kesên ku dibêjin qey bêmafî maf qebûl e de doza maf veke (ev jî) cûreyeke bêmafiyê ye. Ez naxwazim bêmafiyeke holê bikim.

   Pirsa we ya sêyemîn: Tu çima di hemberê siyaseta dinyayê de evqas bê gane yî? Di hemberê evqas bûyerên dinyayê de tu qet helwesta xwe xirab nakî/naguherî? Gelo ev bûyer li te xweş tên? Yan jî qey tu ditirsî, lew tu deng nakî?

   Bersiv: Xizmeta Qur’ana pîroz bi awayekî dijwar men’a min ji siyaseta alemê kir; heta hizirandina wê jî ji bîra min bir. 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582583584585586587588589590591592593594595596597598599
Fihrist
Lügat