Vaye ji ber vê razê xizmet û zorayî û karesat û dijwarî li yê welî xweş tê, ew nazê xwe nakin, giliyê nakin. Dibêjin “Elhemdulîllah.” Dema keşf û keramet, ezwaq û enwar jê re hate dayîn wek îltîfateke Xwedê qebûl dikin û hewl dikin ku wêya veşêrin. Neku pesn, hîn pitir dikevin şikurê û ubûdiyetê. Gelekan xwestine ku ew ehwal were veşartin û were qutkirin, daku îxlasa ku di emelên wan de ye zerarê nebîne. Belê, qenciya îlahî ya herî girîng ya der barê mirovekî meqbûl de ewe ku qenciya xwe pê nede hîskirin, daku ji niyazê nekeve nazê, ji şikurê nekeve pesnê.
Vaye ji ber vê heqîqetê ye ku, ew kesên ku welîtiyê û terîqetê dixwazin, eger ezwaq û kerametên ku hin çiziranên (tereşûh) welîtiyê ne, dixwazin û berê wan li wan be, ewana li wan xweş were; (eva hanê) hem dibe mîna fêkiyên mayînde yên axretî di dinyaya fanî de, bi awayekî fanî bixwe, hem jî dê bûbe sedem ku îxlasa ku havêna welîtiyê ye wenda bûbe û welîtî here.
TELWÎHA HEFTAN
Çar Nukte ne:
Nukteya Ewil: Şerîet; rasterast, bê leke, bê perde, ji hêla raza ehediyet û rubûbiyeta tam ve encama xîtaba Xwedê ye. Pileyên herî bilind yên terîqetê û heqîqetê dikevin şûna parçeyên şerîetê. Yan na, her tim di şûna wesîle û destpêk û xizmetkarî de ye. Encamên wê muhkemên şerîetê ne. Ango: Mesleka terîqet û heqîqetê ji bo gihiştina heqîqetên şerîetê di şûna wesîle û xizmetkar û pêstirk û pêpelûgê de ne. Dê here here, hetanî di pileyeke bilind de vediguhere wateya heqîqet û raza terîqetê. Wê demê dibin parçeyên (cûz) şerîeta kubra. An na neku mîna hin ehlê tesewufê zen dikin ku mirov tesewur bike ku şerîet qaçila zahirî ye û heqîqet jî kakila wê, encama wê û mebesta wê ye.
Belê înkîşafên şerîetê li gorî tebeqeyên mirovan cihê cihê ye. Li gorî mirovên nexwende (ewam) zahirê şerîetê heqîqeta şerîetê were zenkirin û ji pileyên şerîetê yên ji xewasî re înkîşaf dibin re navê “heqîqet û terîqet” were dayîn xelet e. Pileyên şerîetê yên li hemû tebeqeyan dinêre hene.
Vaye ji ber vê razê ye ku: Ehlê terîqetê û eshabê heqîqetê her ku bi pêş de diçin, încîzab û îştiyaq û tebaiyeta wan ya hember heqîqetên şerîetê de zêde dibe. Suneta Seniyeya herî biçûk mebesteke herî mezin qebûl dikin û hewl didin ku xwe pê bigrin û wê teqlîd bikin.
