li çawahînê (keyfiyetê) dinêre. Carînan xêreke bitenê serî ji hezar gunehan distîne (terecûh), dide bexşandin. Hemin dadweriya îlahî holê hukim dike û heqîqet jî vêya heq dibîne; delîla ku terîqet, ango xêrên terîqeta ku di daîreya Suneta Seniye de ye teqez ji gunehên wê pirtir in eve ye ku; dema ku ehlê delaletê êrîşê dikin, ehlê terîqetê îmana xwe diparêzin. Yekî ehlê terîqetê yê jidil yê jirêzê; ji yekî perwerdeya fenê dîtî ya şeklî û zahirî hîn pitir xwe diparêze. Bi wesiteya wê zewqa terîqetê û ji aliyê hezkirina ewliya ve îmana xwe diparêze. Bi kirina gunehên mezin (kebaîr) dibe fasiq, bes nabe kafir; bi hêsanî nakeve nav yên bêbawerî. Tu hêz nikare wê silsileya meşayîxan ya ku vî bi hezkirineke zêde û bi baweriyeke xurt wek eqtab qebûl kiri li ber çavê wî pûç derxîne. Ji ber ku nikare pûç derxîne, nikare ewleyiya xwe ya bi wan qut bike. Ku ewleyiya xwe bi wan qut neke nikare têkeve nav yên bêbawer. Ew kesê di terîqetê de behreka wî tune be û dilê wî nexebite ew kes zatekî alim jî be, di hemberî fendên bêolên vê demê de parastina wan ya tam zehmet bûye.
Tiştekî din heye ku: Hin meşrebên derveyî daîreya teqwayê û belkê derveyî daîreya Îslamê hene û yên bineheqî navê terîqetê li xwe kirîn hene; bi xeta/gunehên wan nabe ku terîqet were tawanbar kirin. Em encamên gelek girîng û bilind yên terîqetê yên der barê olê, axretê û giyanê de deynin alîkî; terîqet hem di înkîşafa biratiya ku pêwendiyeke (rabite) pîroz ya di nav alema Îslamê ye û di belavbûna wê (biratiyê) de wesiteyeke bandordar û bikelecan e, hem jî di hemberî êrîşên bidehşet yên cîhana kufrê û siyaseta Filehbûnê yên ji bo tefandina nûra Îslamiyetê de keleheke ji wan hersê kelehên girîng û qehîm e. Ya ku Stenbola ku navenda Xîlafetê ye bêncsed salan di hember hemû alema Fileh de dayî parastin; nûrên tewhîdê yên li pêncsed deverên Stenbolê derdikevin û palpişteke girîng ya ehlê îmanê ya di wê navenda Îslamê de ye û hêza îmanî ya ku yên di tekyayên di pişta wan mizgeftên mezin de dibêjin “Ellah Ellah!”e û ew hezkirina rûhanî û coş û xurûşa ku ji me’rîfeta îlahî têtin e.
Vaye ey hemiyetfiroşên bêaqil û ey netewaperwerên sextekar! De ka bibêjin kîjan xirabiyên terîqetê hene ku van qenciyên wê yên ku di jiyana me ya komelî de ne pûç derxîne?
