Belê, îro di dîroka alemê de tu nesil, ku bi dara famîlyeyê (şecere) û bi girte û bi ‘en’ene bi hev ve girêdayî û bi şerefeke herî bilind û hasebeke alî û nesebeke esîl mumtaz tune ku bi qandî nesla seyîdan ya ji Alî Beytê têt bi hêz û girîng bin. Ji berê û pêş de serokên hemû grûban ew in û serokên navdar yên ehlê kemalê dîsa ew in. Nesleke pîroz e ku niha jî hejmara wan ji milyonan derbas dibe. Hişyar in û dilê wan tejî îman û tejî hezkirina Pêxember e û bi şerefa girêdana (şerefa întîsab) xwe ya biqîmet ve serfiraz in. Bûyerên mezin yên hêza pîroza ya di nava vê cemaeta mezin de bîne heyecanê û hişyar ke, çêdibe. Helbet, hemiyeteke bilind ya di wê hêza mezin de ye dê feweran bike û dê Cenabê Mehdî bûbe serokê wan û dê wan ber bi riya heq û heqîqetê ve biajo. Çêbûna vê û ji bo ku holê çêbibe; mîna hatina biharê ya piştî vê zivistanê em ji adetullahê û ji rehmeta îlahî hêvî dikin û em di hêvîkirinê de mafdar in.
Îşareta Duduyan, ango
ÎŞARETA ŞEŞAN
Cem’iyeta nûranî ya Cenabê Mehdî dê pergala bîd’ekarane ya texrîbatker ya komîteya Sufyanî tamîr bike, dê Sûneta Seniyeyê vejîne; ango di alema Îslamiyetê de komîteya Sufyanî ya ku hewl dide ku bi niyeta înkara Rîsaleta Ehmedî (e.s.w.) Şerîeta Ehmed (e.s.w.) texrîb bike dê bi şûrê manewî yê mucîzekar yê civaka Cenabê Mehdî bête kuştin û wê bête belavkirin.
Hem komeleyeke bi navê cemaeteke hemiyetkar û fedakâr ku hewl dide ku ola rastîn ya Cenabê Îsa Eleyhîselam bi ola rastîn ya Îslamiyetê re bike yek û layiqî unwana “Îsewiyên Misilman” e, dê di bin serokatiya Cenabê Îsa Elehîselam de, komîteya Decalî ya ku di alema mirovayiyê de, bi niyeta înkara Ulûhiyetê şaristanî û pîrozwerê mirovayiyê serobino dike bikuje û belav bike; dê benîademî ji înkara Ulûhiyetê rizgar bike.
Ev raza girîng gelek dirêj e. Ji ber ku li derên din me hinkê behsa wê kiriye, em li vir vê îşareta kurt bes dibînin.
ÎŞARETA HEFTAN
Ango Pirsa Sisêyan: Dibêjin ku: “Şêweya parêziyên te yên dema berê û têkoşînên te yên der heqê Îslamiyetê de ne mîna ya niha bû. Hem tu di awayê ramangîrên ku hember Ewrûpeyê de Îslamiyetê diparêzin de naçî?
