Û telqînkirin hebe jî; hem di netewaya Îslamê de aloziyê derdixe hem nikare netewayiya nijadperestiyê jî îsleh bike, nikare mayînde bihêle. Belê, di telqînkirina demdemî de zewqek û hêzeke demdemî xuya dike, bes gelek demdemî ye û encama wê xeternak e.

   Hem dê di netewayiya Tirk de jihevveqetaneke wereng çêbibe ku hetanî ebedî êdî ne qabil be ku hevûdin bigire. Wê demê ji ber ku aliyek dê hêza aliyê din bişikêne dê hêza netewayê bibe tune. Eger du çiya li hember hev di du aliyên şihînê de bin, hêzeke bi qandî ritilekê dikare bi wan herdu hêzan bilîze; dê rake jor û daxe jêr.

   Pirsa Duduyan du îşaret in:

   Îşareta Ewil ku:

ÎŞARETA PÊNCAN

   Bersiveke gelek kurt ya pirseke gelek girîng e.

   Pirs: Gelek rîwayetên sehîh hene ku di axrê zeman de dê Cenabê Mehdî were û cîhana Îslamê ya ku ketiyî nav aloziyê îsleh bike. Hal bi hal ev dema hanê dema cemaetê ye; ne dema şexsî ye! Şexis çi qeder dahî be, heta di pileya sed dahiyan de be, ku ne nûnerê cemaetekê be, nûnertiya şexsê manewî yê cemaetekê neke, dê di hember şexsê manewî yê cemaeteke dijber de têk biçe. Di vê demê de –hêza welîbûnê çi qeder bilind be bila bilind be- dê çawa vê aloziya mezin ya vê cemaeta mirovan îsleh bike. Eger hemû karên Mehdî newaze bin (wê demê) dibe dijê hikmeta îlahî û zagonên adetûllahê. Em dixwazin raza vê meseleya Mehdî fêm bikin?

   Bersiv: Cenabê Heq ji dilovaniya xwe ya tam, ji ebedîbûna şerîeta Îslamê re wek esereke hîmayetê, di her dema ku umet bikeve nav aloziyê, îslehkerekî yan jî mûcedîdekî, yan jî xelîfeyekî navdar yan jî qutbekî mezin yan jî mûrşîdekî ekmel yan jî hin zatên bimbarik yên mîna Mehdî şandiye; alozî ji holê rakiriye û Milet îsleh kirine; Ola Ehmed (sxl) parastiye.

   Hemin adeta wî welê çêdibe, helbet di dema aloziya herî mezin ya axrê zeman de dê zatekî nûranî wek mûctehîdê herî mezin, hem mûcedîdekî herî mezin; hem wek serwer, hem Mehdî, hem mûrşîd,