Kitaplar
Mektûbat

ew li gorî qabîliyeta însanî be û ew karibe ji meqamên bêhesab derbas bibe, veke;  ji ber wê çendê bi wê gunehê ku tê zanîn yê li gorî fitreta wan bû, ji Bihiştê hate derxistin. Nexwe, derxistina Hezretê Adem ya ji Bihiştê hikmet bi xwe ye û rehmet e û xistina kafiran a Dozexê heq e û edalet e.

   Wek çawa di îşareta Sêyemîn ya Peyva dehemîn de jî hatiye gotin ku, her çiqas kafir di temenekî hindik de gunehek kiriye, bes di wî gunehî de cînayeteke gelek mezin heye. Lewra, kufir heqaretê li hemû gerdûnê dike, qîmeta wê kêm dike, govaniya hemû mesnûatan ya wehdaniyetê derew dertêxe. Esmayên îlahî yên di neynikên mewcûdatê de xuya dikin biçûk dixe. Ji ber wê çendê Qehharê Zulcelal ku sultanê mewcûdatê ye, da ku mafê mewcûdatê ji kafiran bistîne wan bi ebedî diavêje Dozexê, ew jî heq û edalet e. Lewra cînayeta bêdawî ezabekî bêdawî dixwaze.

   Pirsa we ya duyemîn: Afirandin û îcada şeytanan bo çi ye? Cenabê Heq şeytan û xirabî afirandine, hikmeta wê çi ye? Afirandina xirabiyê xirabî ye, afirandina tişta sik, sik e?

   Bersiv: Haşa; afirandina xirabiyê ne xirabî ye. Bi rastî kirin û bidestxistina xirabiyê  xirabî  ye. Lewra, afirandin û îcad dinêre hemû encaman; lê belê kesb (ango kirin û bidestxistin) ji ber ku mûbaşereteke taybet e (ango destpêkirina karekî ye) li encama taybet dinihêre. Mînak, bi hezaran encamên lêkirina baranê hene, hemû jî spehî ne. Îca eger hin kes bi sûê îxtiyara xwe (ango bi bijartineke xwe ya xirab) zirarê ji baranê bibînin nikarin bibêjin ku “îcada baranê ne rehmet e”, nikarin hukim bikin ku “afirandina baranê xirabî ye.” A rast ew baran ji bijartin û kesba wî ya xirab e ku derheqê wî de bû xirab. Hem di afirandina êgir de gelek fayde hene; hemû jî xêr in. Lê belê eger hin kes bi sûê kesb û bi sûê îstî’mala we (ango kiryara xwe di xirabiyê de bi kar bîne) ji êgir zirarê bibînin, nikarin bibêjin ku “afirandina êgir xirabî ye.” Lewra agir ji bo şewitandina wî bi tenê nehatiye afirandin, bi rastî wî bi bijartina xwe ya xirab destê xwe xistiye nav wî agirê ku xwarina wî dipêje û (bi vî awayî) xizmetkarê xwe kiriye neyarê xwe.

   Bi kurtasî ji bo xêr û feydeya zêde mirov qîma xwe bi xirabiya hindik tîne. Eger da ku xirabiya hindik (şerê qelîl) çênebe xirabiyeke ku xêr û feydeya wê zêde (xeyrê kesîr) encam dide bête terkkirin, wê demê xirabiya zêde (şerê kesîr) tête kirin. 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582583584585586587588589590591592593594595596597598599
Fihrist
Lügat