Hûn çawa ji min re pêşniyar dikin? Bi kîjan zagonê? Eger hûn karibin ku netewayiya Kurd ya ku bi milyonan ferdên wê hene, ev hezaran sal in netewayiya xwe û zimanê xwe ji bîr nekiriye û hemwelatiyên rastîn yên tirkan e û berê û pêş de hevalên wan yên cîhadê ne; rakin û zimanê wan bi wan bidin jibîrkirin, paşê ev pêşniyara we ya ku ji netewayeke din tên hesabê re hatiyî kirin bibe rê û rêzikeke hovane. Yan jî sirf kêfî ye. Mirov li gorî kêfa şexsan naçe û em naçin.
Ya Pêncan: Hikûmetek li ser hemwelatiyên xwe û li ser yên ew hemwelatî qebûl kirî her zagonê tetbîq bike jî lêbelê nikare li ser wan mirovên ku wek hemwelatî qebûl nekirî qanûna xwe tetbîq bike. Lewra ew dikarin bibêjin ku: “Hemin em ne hemwelatiyên we ne, hûn jî ne hikûmeta me ne!”
Hem tu hikûmet du cezayan bi hev ra nade. Yekî mêrkuj yan dê têxe girtîgehê yan jî dê daleqîne. Hem cezayê girtîgehê bidiyê û hem jî cezaya daleqandinê bidiyê, di tu rê û rêzikan de tune!
Vaye hemin, tevî ku tu zerara min negihaye welêt û gel jî ev serê heşt salan e hewe ez xistime nava esareteke wusa ku li tu mirovên mêrkuj yê ji netewayeke derve nayê kirin. Hewe mêrkuj bexişandin jî, lê we azadiya min ji dest stand û mafê min yê medenî rakir; we muameleyeke holê bi min re kir. Hewe negot: “Ev jî kurê vî welatî ye” digel vê çendê hûn bi kîjan rê û rêzikê, bi kîjan zagonê û hûn vê usûla xwe ya ku azadiyê ji holê radike (dişikêne) û dijê rezaya netewaya we ya belengaz tetbîq dikin, ji yekî mîna min ku ji her aliyî ve ji we re biyanî ye pêşniyar dikin?
Hemin di Şerê Umûmî de, bi şahdebûna fermandarê artêşê ew fedekariyên ku em bûbûn wesite û ew mûcahedeyên cansîperane yên me di riya welêt de kirîn we cinayet hesiband. We xebata gelek cîdî û bandordar ya ji boyî parastina exlaqê xweş yê vê netewaya reben û ya ji bo dabînkirina bextewariya dinya û axretê xiyanet hesiband. Ew merivê ku rê û rêzika Fîrenk ya ji aliyê manewî ve bê menfeet, bi zerar, xeternak, keyfî û kufrî qebûl nekirî we heşt sal ceza danê (Niha ceza bû bîst û heşt sal) Ceza divê yek be. Min tetbîqa wê qebûl nekir, we ceza bi min da xwarin. Tetbîqkirina vî cezayê dudoyê ya bi cebrî li gorî kîjan rê û rêzikê ye?
Ya Şeşan: Hemin li gorî baweriya we û li gorî wê muameleya ku hûn bi min dikîn dijberiyeke giştî di navbera min û we de heye.
