bi zordestiyeke kêfî dilîzin re dibêjim ku: Ey ehlê bîd’eyê û yên bêol!.. Ez ji şeş pirsên xwe re bersivê dixwazim.
Ya ewil: Her netewaya ku di dinyayê de serweriyê dike, heta yemyamên ku goştê mirovan dixwin, heta serokê çeteyeke cinawir yê hov rê û rêzikeke wî heye, li gorî distûrekê serweriyê dike. Hûn bi kîjan rê û rêzikê vê êrîşa ecêp dikin? Ka qanûna xwe şanî bidin! Yan jî qey hûn kêfa hin karmendên rezîl zagon dizanin? Lewra di îbadetên holê taybet de zagon nayê çêkirin û zagon nabe!
Ya Duduyan: Hûn bi çi wêrekiyê û hûn pişta xwe didin kîjan hêzê ku hûn distûra “azadiya wijdanê” ya ku bi giştî di benîademî de, xasma di vê sedsala azadiyê de û nemaze di daîreya şaristaniyê de hukim-ferma ye dişikênin û hûn sivik digrin û benîademî biçûk dixin û îtîraza wan bi tiştekê nahesibînin? Kîjan hêza we heye ku hûn navê “ladînî” li xwe dikin we îlan kiriye ku hûn ne têkilî olê bibin ne jî têkilî bêolan bibin, digel vê çendê, herwekî ku hewe bêolî ji xwe re kiribe ol hûn êrîşî olê û ehlê olê dikin; helbet (eva hanê) dê veşarî nemîne. Wê ji we were pirsiyarkirin!.. Hûn ê çi bersivê bidin. Ku hewe xwe li ber îtîraza herî biçûk ya bîst hikûmetan negirtî, hûn çawa herwekî îtîrazên pevre yên bîst hikûmetan neyî bihesibînin û hewl didin ku bi darê zorê azadiya wijdanê xira dikin (ji holê radikin.)
Ya Sisêyan: Bi fetwayên şaş yên hinek zanyarên xirab (ulemaê sû’) yên wijdana xwe difiroşin dinyayê di awayekî dijê bilindî û safîtiya Mezhebê Henefî bi kîjan rê û rêzikê ji mirovekî mîna yê peyrewê Mezhebê Şafîî re pêşniyar dikin? Piştî ku we Mezhebê Şafiî ku milyonan peyrewê wê hene rakir û we hemû Şafiî kirin Henefî û bi darê zorê we pêşniyar kir wê demê dibe were gotin ku ev rê û rêzika bêolên mîna we ye. Yan jî, rezîltiyeke kêfî ye! Em ne girêdayiyê kêfa yên welê ne û em nas nakin!
Ya Çaran: Netewayiya Tirk ya berê û pêş de tevlî Îslamiyetê bûyî û bi wê re bûyî yek û oldarên cîdî, jidil û ji olê re rêzdar.. Hûn bi fetwayeke ku bi temamî dijê vê netewayiyê û li ser navê Tirkîtiyeke di wateya fîrengiyê de û texrîfdarane û bîd’ekarane ji yekî mîna min ku ji netewayekî din e re pêşniyar dikin û dibêjin “Bi tirkî qamet bike!”, eva hanê li gorî kîjan rê û rêzikê ye? Belê pêwendiyên min yên dostanî û biratiyê digel tirkên rastî re heye, lêbelê bi tirkparêziya mîna ya we xûy-fîreng re qet û qet tu pêwendiya min tune ye.
