FENDA ŞEYTANÎ YA ŞEŞEMÎN

   Dixwaze ji demara tiralî û tenperwerî (yên miriyê rehetiyê) û erkedariyê ya mirovî sûdê werbigre. Belê şeytanê mirovî û şeytanê cinî ji her aliyan ve êrîşê dikin. Dema birayên me yên dilê wan saxlem, dilsoziya wan bihêz, niyeta wan xalis û himeta wan bilind dîtin, ji aliyên din ve êrîşê dikin. Holê ku:

   Ji bo ku karê me rawestînin û sistiyê têxin di xizmeta me de ji tiraliya û tenperweriya û erkedariya wan sûdê werdigrin. Ew bi dekbaziyên wereng ji xizmeta Qur’anê didin alî ku, bêyî ku haya wan jê hebe ji beşeke wan re karê zêde dibînin, daku ji xizmeta Qur’anê re dema wan nebe. Ji beşeke wan re jî tiştên dilniwaz yên dinyayê nîşan didin ku hewesa wan şiyar bibe û di hemberî xizmetê de xefletek çêbibe û herwekî wê…

   Ev riyên êrîşê gelek dirêj dibe. Em vê dirêjiyê kurt dikin û hawaleyî fêhma we ya baldar dikin.

   Birano! Baldar bin: Erka we pîroz e, xizmeta we bilind e. Her demjimêreka we di qîmeta rojeke îbadetê ye. Zanibin ku ji dest we dernekeve!...

يَۤا اَيُّهَا الَّذِينَ اٰمَنُوا اصْبِرُوا وَصَابِرُوا وَرَابِطُوا وَاتَّقُوا اللّٰهَ لَعَلَّكُمْ تُفْلِحُونَ

وَلاَتَشْتَرُوا بِاٰيَاتِى ثَمَنًا قَلِيلاً