Dermanên herî bikêr, yên mîna tiryakê yên karesatzede û nexweşan di dermanxaneya pîroz ya Qur’anê de têt nîşandan. Û bi wan enwarê Qur’anê nîşan da ku deriyê gorê ku herî zêde yên kal dixe di nav fikaran de, deriyê rehmetê ye, ne deriyê dardekirinê ye. Û di dilên nazik yên zarokan de di hemberî karesatên bêhed û hesab û tiştên zerardar de spartekeke (noqteya îstînad) gelek bihêz û niqteyeke îstîmdadê ya sedema daxwazên wan yên bêhed û hesab ji kaniya Qur’ana Hekîm hate derxistin û hate nîşandan û bi rastî (bîlfîîl) sûd jê da wergirtin. Û zehmetiyên giran yên jiyanê yên herî zêde beşa xizan û hejaran dipelçiqîne û xemgîn dike bi heqîqetên îmanê yên Qur’ana Hekîm hate sivikkirin.
Vaye ev pênc taîfe ku ji şeş beşên Netewaya Tirk pênc beş in; em ji berjewendiya wan re dixebitin. Beşa şeşê xort in. Ji qencên wan re biratiyeke me ya cîdî heye. Bi bêolên mîna te re ji tu aliyan ve dostaniya me tune! Lewra em wan mirovên ku bûyîn bêol û dixwazin ji netewayiya Îslamiyetê ya hemû pêşanaziyên netewayî yên rastîn yên Tirk e, derbikevin Tirk nizanin, em wan wek firengên ku xwe xistine di bin peredeya Tirk de qebûl dikin. Lewra ew sedhezar carî doz bikin û bibêjin ku ew Tirkparêz in, (dîsa jî) nikarin ehlê heqîqetê bixapînin. Lewra, kirinên wan û tevgerên wan doza wan derew derdixîne.
Ey yên fîrenk-meşreb û ey yên hûn bi bangeşeya xwe dixwazin birayên min yên rastî ji min sar bikin! Ka çi berjewendiya we digihê vê netewayê? Hûn nûra ehlê teqwayê û yên salih ku taîfeya ewil e ditefînin. Hûn li ser birînên taîfeya dudoyê ku hewceyiya wan bi dilovanî û dermankirinê heye jehrê direşînin. Û hûn teseliya taîfeya sisêyê ya gelek layiqî rêzgirtinê ye, dişikênin û hûn diavêjin bêhêvîtiyeke tam (ye’sa mutleq.) Hûn hêza manewî ya taîfeya çarê ya ku gelek hewceyî piyariyê ne bi yek carî dişikînin û însaniyeta wan ya rastîn ditefînin. Û hûn hêvî û hawarxwestinên taîfeya pêncê yên hewceyiya wan gelek bi alîkarî û sebirpênînê heye, bê encam dihêlin û hûn jiyanê li ber çavê wan dixin awayekî ku ji mirinê hîn pitir hêwilnaktir. Hûn bi taîfeya şeşê ya heweceyiya wê gelek bi wê çendê heye ku hişyar bibin û hişê wan bê serê wan, di nav xewa xortaniyê de şerabeke welê didin vexwarin ku tamara (xumar) wê gelek bi dehşet e. Gelo, hemiyeta netewayiya we eve ye ku hûn di riya wê hemiyeta netewayiyê de gelek
