Hejmara Lefza Celal ya di rûpelekê da carînan li aliyê rastê yê rûpelê dinêre û carînan li rûpela pêjber ya wî rûyî û carînan li rûpela pêjber ya li aliyê çepê û li aliyê piştê ya rûyê pêjber dinêre. Min di nusxeya Qur’ana xwe de lêkolîna vê tewafuqê kir. Bi piranî min pêwendiyeke hejmarê ya gelek spehî dît. Min îşaret deyna ser nusxeya xwe. Pir caran wekî hev dibe. Carînan dibe nîv yan jî sêyek. Rewşeke wê ya ku hikmet û întîzamê dide hîskirine, heye.

   Nukteya Çaremîn: Tewafûqên ku di rûpelekê tenê de. Min digel birayên xwe me sê-çar nûsxeyên cuda cuda deynan ber hev. Qenaeta me çêbû ku di hemûyan da tewafuqat tê xwestin. Bes, ji ber ku mustensixên çapxaneyê li pey mebestên din bûn, hinek bêrêkûpêkî ketibû tewafuqatê da. Eger were tenzîmkirin, dê bi awerteyek (îstîsna) gelek hindik hejmara duhezar û heştsed û şeş Lefzên Celal yên di tevayiya Qur’anê de ne dé tewafuqat were dîtin. Û di vêya de şûleyeke mucîzeyiyê dibiriqe. Lewra, fikra însên nikare rûpeleke evqas berfireh dorpêç bike/rabigre, tevlî bibe. Lêbelê qeymere (tesadûf) destê wê nagihê vê rewşa watedar û bihikmet.

   Ji bo ku Nukteya Çarê hinekê nîşan bidin, em Mushefeke nû didin nivîsandin ku hem heman rûpel û heman rêzên wan Mushefên ku herî zêde belavbûyîne muhafeze dike, digel wê jî wan derên ku bi bandora bêganeyiya sen’etkarî bêrêkûpêkiyek ketiyê rêkûpêk dikin û înşallah dê întîzameke rastîn ya tewafuqatê were nîşandan…û hate nîşandan.

اَللّٰهُمَّ يَا مُنْزِلَ الْقُرْاٰنِ بِحَقِّ الْقُرْاٰنِ فَهِّمْنَا اَسْرَارَ الْقُرْاٰنِ مَا دَارَ الْقَمَرَانِ وَصَلِّ وَسَلِّمْ عَلٰى مَنْ اَنْزَلْتَ عَلَيْهِ الْقُرْاٰنَ وَعَلٰۤى اٰلِهِ وَصَحْبِهِ اَجْمَعِينَ اٰمِينَ