Di Sûreta Beqereyê de hejmara ayetan û hejmara Lefzên Celal eynî ne. Ferq çar in ku li dewsa lefza Ellah çar lefzên Hû-yê hene. Wek mînak: Mîna Hû’ya di Laîlahe Îlla Hû’yê de. Bi wê guncanî temam dibe. Di Alî Îmranê de jî dîsa ayetên wê û Lefzên Celal guncan in, yeksan in. Bes Lefzên Celal dused û neh in, ayet dused in. Ferq neh in. Di meziyetên gotinên holê de û nukteyên belaxetê de ferqên biçûk zerarê nade, tewafuqên nêzîk bes in. Yekûna ayetên her sê Sûretên Nîsa, Maîde, En’am hejmara Lefzên Celal yên van sûretan eynî ne. Hejmara ayetan çarsed û şêst û çar, hejmara Lefzên Celal çarsed û şêst û yek e; digel Lefzullahên di Bîsmîllahiyê de tam di tewafuqê de ne. Hem bo we mînak: Hejmara Lefzên Celal yên di pênc sûretên di serî de ne du qatên hejmara Lefzên Celal yên di Sûretên E’raf, Enfal, Tewbe, Yûnus û Hûdê de ne. Nexwe ev pêncên dawî nîvê pêncên pêşiyê ne.

   Hejmara Lefzên Celal yên di Sûretên Yûsuf, Re’d, Îbrahîm, Hîcr û Nehlê ku li pey wan tên de nîvê wî nîvî ne. Pişt re Sûretê Îsra, Kehf, Meryem, Taha, Enbiya, Hecc; ^(Haşiye)  nîvê nîvê wî nîvî ye. Pişt re yên tên pênc pênc, kêm zêde di wê nîsbetê diçe; bes bi hin qisûratan ferq heye. Ferqên welê di meqameke xîtabî ya holê de zerarê nade. Wek mînak: Beşeke wan sed û bîst û yek, beşek sed û bîst û pênc, beşek sed û pêncî û çar, beşek sed û pêncî û neh in. Pişt re pênc sûretên ku ji sûretê Zuxrûfê dest pê dikin, dadikeve nîvê nîvê wî nîvê nîvî. Pişt re pêncên ku ji Sûretê Necmê dest pê dike, ew nîvê nîvî, nîvê nîvê nîvî ye. Bes kêm zêde ye. Ferqên qisûrên biçûk di meqameke xitabiya holê de zerarê nade. Di nav pêncên biçûk yên di pey da tên da, di her yek wan sê pêncan de, sê Lefzên Celal hene.

   Vaye ev rewş nîşan dide ku: Qeymere (tesaduf) tevlî Lefza Celal nebûye, hejmarên wan bi hikmet û rêkûpêk hatine terxankirin.

   Nukteya Seyemîn ya Lefzullahê: Li nîsbeta rûpelan dinêre. Halo ku: