hezar in û her tîpeka ayetên mîna Ayet-ûl Kursî hezaran û di înyên Remezana pîroz de hîn pirtir in. Û di Leylet-ûl Qedrê de sih hezar xêr tên hesabê. Belê Qurâna Hekîm ya ku her tîpeka wê sih hezar fêkiyên mayînde dide dikeve şûna dareke tûbayê ya welê nûranî ku di Remezana pîroz de milyonan fêkiyên mayînde ji bawermendan re dide qezenckirin. De ka were li vê bazirganiya pîroz û ebedî û bifeyde binihêre, seyra wê bike û mitale bike ku yên qîmeta van tîpan teqdîr nakin di xusareteke çi derece bêhed û hesab de ne, fêm bike!
Vaye, Remezena Pîroz herwekî pêşangeh û bazarek e gelek bikar ya ji bo bazirganiya axretê ye. Û ji bo ber û dahata axretê zemîneke gelek bêrdar (mûnbît) e. Û ji bo gihîştina (neşwûnema) e’malî meha Nîsan a biharê ye. Di hember Selteneta rubûbiyeta îlahî de şûna cejneka herî geş û pîroz ya kirina rê û resma ubûdiyeta beşerî cejneka herî geş û pîroz e. Û ji ber ku welê ye, bi rojiyê binbar (mukelef) bûye daku nekeve nav hewceyiyên bixeflet û heywanî yên nefsê yên mîna xwarin-vexwarinê û daxwazên nelazim û hewaperestane. Herwekî bi awayekî demdemî ji heywantiyê derbikeve yan jî ji ber ku ketiye nav bazirganiya axretê, hewceyiyên xwe yên bi dinayayê re eleqedar bi awayekî demdemî bihêle û têkeve rewşa merivekî axretê û giyaneke ku bûyî cesed û xuya bûyî; bi rojiya xwe bi awayekî ji Semediyetê re neynikdariyê bike.
Belê remezana pîroz di vê dinyaya fanî de, di nava vî temenê fanî de û di vê jiyana kurt de temeneke mayînde û jiyaneke baqî ya dirêj dihundirîne û dide qezenckirin. Belê Remezaneke tenê dikare semereyên (berên) temeneke heştê sal (ji mirovan re) bide qezenckirin. Lêbelê Leylet-ûl Qedr bi nesa Qur’anê ji hezar şevî bi xêrtir e, eva hanê delîleke qet’î ya vê razê ye.
Belê wek çawa padîşahek di maweya selteneta xwe de, hema bêje her sal, yan bi navê cilûsa hûmayûn yan jî ji bo gihiştina cîlweyeke şe’şe’eya selteneta xwe hin rojan dike cejn. Hemwelatiyên xwe di wê rojê de ne ku di daîreya zagonên giştî de, belkê digihijîne qenciyên xwe yên taybet, hizûra xwe ya bêperde û îltîfata xwe ya xas, îcraeta xwe ya fewqelade; û wî gelê xwe yê layiq û sadiq rasterast digihîjîne tewecûha xwe ya xas. Eynen welê jî: Padîşahê Zulcelalê hijde hezar aleman ku Sultanê Ezel û Ebed e; Qur’ana Hekîm ku fermana alîşan e û li wan hijde hezar aleman dinêre û tewecûhê wan dike,
