NUKTEYA HEŞTEMÎN

   Pêwist e der barê vê de dîstûreke heqîqetê were beyankirin. Holê ku:

   Wek çawa bi navê “mafê kesîde” û mafê “mafê gelemperî” ku çeşîdeke mafê Xwedê tê hesibandin, du cûre maf hene; eynen welê jî: Di meseleyên şerîetê de beşeke meseleyan bi kesan ve girêdayî ne; beşeke din jî ji aliyê gelemperiyê ve bi gelemperê ve girêdayî ne ku; ji wan re “Şeaîrê Îslamê” tê gotin. Ev şeaîr ji ber ku bi gelemperê ve girêdayî ye, her kes di wê de behredar e. Rezaya gelemperê tune be têkilîbûna wan êrîşa mafê gelemperê ye. Perçeya herî biçûk ya wê sembolê (meseleyeke mîna sûnetê) nêrîneke girîng ya di şûna meseleyeke herî mezin de ye. Wek çawa rasterast cîhana Îslamê eleqedar dike; ew kesên ku hewl didin ku wan zincîrên nûranî yên ku ji Esra Seadetê hetanî niha hemû ew mezinên Îslamê pê ve girêdayî ne, biqetînin, xerab bikin, biguhorin û alîkariya vê çendê dikin bila bifikirin ka dikevin şaşiyeke çi qeder mezin. Û eger bi qasî dinokekê hişê wan hebe bila biricifin!..

NUKTEYA NEHEMÎN

   Ji beşeke meseleyên şerîetê re “teebbûdî” tê gotin; bi muhakemeya aqil ve ne girêdayî ne; ji ber ku hatiye fermankirin tê kirin. Sedema wê ferman e.

   Ji beşeke wê re “Me’qûl-ul me’ne” tê gotin. Ango, hikmetek, meslehetek heye ku bûye mûrecihê danîna wî hukmî; bes ne sebeb e. Lewra sedema rastîn ferman û qedexekirina Xwedê ye.

   Beşa teebbûdî ya şeaîrî; hikmet û meslehet nikare wê biguhore, aliyê wê yê teebbûdiyê tê tercîhkirin; eleqeya xwe pê naîne. Sed hezar meslehet werin nikarin wê biguhorin. Eynen welê jî, nayê gotin ku “Feydeya şeaîrê meslehetên ku tên zanîn bi tenê ne” û ku welê bête zanîn xeta ye. Bêguman ew meslehet jî, faydeyek ji gelek hikmetên wê ye.

   Wek mînak yek bibêje: “Hikmeta bangê gazîkirina misilmanan ya bo nimêjê ye; nexwe teqandina berika tifinga bes e.” Hal bi hal ewê dîn nizane ku ew di nav hezaran meslehetên bangê de meslehetek e. Eger dengê tifingê wê meslehetê bide, gelo li ser navê benî Adem yan jî li ser navê xelkê wî bajarî dê, cihê wê banga ku dibe wesiteya îzhara perestiya hemberî îlana tewhîdê û rubûbiyeta îlahî ya ku encama mezin ya afirandina gerdûnê ye û encama afirandina benî Ademî ye çi bigre?

   Bi kurtasî: Dozex ne nepêwist e; gelek kar hene ku bi hemû hêza xwe ve dibêje “Bijî Dozex!” Bihişt jî ne erzan e, buhayeke girîng dixwaze.

لاَيَسْتَوِۤى اَصْحَابُ النَّارِ وَاَصْحَابُ الْجَنَّةِ اَصْحَابُ الْجَنَّةِ هُمُ الْفَۤائِزُونَ

  îlaxir..