لاَ يَعْلَمُ الْغَيْبَ اِلاَّ اللّٰهُ

   Pirsa Duyem: Meydana Heşrê li ku derê ye?

   Bersiv: 

وَالْعِلْمُ عِنْدَ اللّٰهِ

 hikmeta bilind a ku Xaliqê Hekîm di her tiştî de nîşan daye, heta ku hikmetên gelek mezin bi tiştekî biçûk ve kiriye... eva ha bi awayekî eşkere îşaretî wê çendê dike ku dinya mîna serseriyan û wilo beyhûde daîreyeke mezin xêz nake; a rast li dora tiştekî gelek girîng digere, daîreya muhît a meydana mezin xêz dike, nîşan dide. Û li derdora meşhereke mezin digere, berên (mehsûlat) manewî dewrê wê dike ku dê di pêşerojê de li wê meşherê, li ber çavê însanan bêne nîşandan.

   Nexwe, dê ew daîreya mûhît ya nêzîkî bîst û pênc hezar salan, li gorî rîwayeta hedîsê ¹  herêma Şama Şerîf jî dê bibe tov û were tijîkirin û meydaneke heşrê bête vekirin. Hemû mehsûlatên manewî yên dinyayê tête şandin bo defter û lewheyên wê meydana ku vê gavê di bin perdeya xeybê de ye. Û di pêş de dema ew meydan vebû, dê niştecih (sekene) ên xwe jî vala bike wê meydanê; ew mehsûlatên manewî jî dê ji xeybê derkevin şehadetê. 

   Belê dinyayê wek şovekê, wek çeşmeyekê, wek pîvekekê ewqas ber daye ku wê meydanê tijî ke; mexlûqên ku bi qasî ku wê meydanê bigre jê herikîne û mesnûatên ku wê tijî bike jê derketine. Nexwe, dinya tovek e û meydana heşrê digel tiştên tê de darek e, simbilek e, mexzenek e. Belê wek çawa nuqtayek, bi hereketa xwe ya bilez dibe xetek an jî çembereke nûranî; eynen welê, dinya bi hereketa xwe ya bilez û bi hikmet dibe sebeba temsîla daîreyeke wicûdê û ew daîreya wicûdê digel mehsûlatê xwe dibe sedema çêbûna meydana heşra mezin.

قُلْ اِنَّمَا الْعِلْمُ عِنْدَ اللّٰهِ

اَلْبَاقِى هُوَ الْبَاقِى

Seîdê Nûrsî