Hem bi sonda ku di

يٰسۤ  *  وَالْقُرْاٰنِ الْحَكِيمِ

   î de ye pîrozweriya mucîzeyên Qur’anê bi bîr dixe (herweha bi bîr dixe ku) ew di pileyeke wusa ya rêzgirtinê de ye ku sond pê bête xwarin.

   Sonda di

وَالنَّجْم اِذَا هَوٰى

فَلاَ اُقْسِمُ بِمَوَاقِعِ النُّجُومِ  وَاِنَّهُ لَقَسَمٌ لَوْ تَعْلَمُونَ عَظِيمٌ

 de ye destnîşan dike ku ketina stêran elameta wê çendê ye ku daku guman neîne ser wehyê, cin û şeytan ji xeberên xeybî hatine qutkirin; hem jî mezinayiya bidehşet ya stêran û bicîkirina wan ya bi rêkûpêkiyeke tam û mezinayiya qudret û kemala hikmeta zivirandina wan rojgerkan ya di awayekî heyretçêker de bi wê sondê bi bîr dixe.

   Bi sonda ku di

وَالذَّارِيَاتِ

وَالْمُرْسَلاَتِ

 de ye da ku gelek hikmetên girîng yên di pêlpêlandin û tesrîfên hewayê de ne bi bîr bixe, bi sonxwarina ba û ferîşteyên karmend balê dikişîne ser wan ku ev unsurên ku wek tesadûfî tên zenkirin hikmetên gelek nazik û erkên gelek girîng dibînin. Û herwekî wê… her mewqiyekê nukteyek û faydeyeke wê ya cihê cihê heye. Ji ber ku dem ne guncan e, em ê nukteyeke bi tenê ya wan nukteyên gelek yên di sonda 

وَالتِّينِ وَالزَّيْتُونِ

   yê de ye bi kurtî destnîşan bikin. Holê ku:

   Cenabê Heq bi wesîteya sonda bi hêjîr û zeytûnê mezinayiya qudreta xwe, kemala rehmeta xwe û ne’metên xwe yên mezin bi bîr dixe û berê wî mirovê ku bi aliyê esfelê safilînê ve diçe ji wî aliyî dide alî û bi şikurê, fikrê û îman û emelê salih îşaretî wî dike ku ew mezherî teraqiyatên manewî yên hetanî e’layê iliyînê bibe. Di nav ne’metan de sedema texsîsa hêjîr û zeytînê ew e ku; ew herdu mêwe gelek bimbarik û havildar (nafî’) in û di afirandina wan de gelek ne’met û tiştên ku sedema balkişandinê ne, hene. Lewra zeytûn wek çawa di jiyana komelî, bazirganî, ronîkirin û xurdemenî (xida)