Bersiv: Cenabê Heq bi kerema xwe dê û babê Hebîbê xwe yê Ekrem daku hesta ferzendane ya Resûlê Ekrem Eleyhîselatû Weselam memnûn bike dê û babê wî di bin minetê de nahêle. Daku wan ji mertebeya dê û babiyê neîne mertebeya ewladiya manewî, dilovaniya wî (Xwedê) xistina wan ya di bin mineta xwe de û bextewarkirina wan û memnûnkirina Hebîbê xwe yê Ekrem pêwist dîtiye ku dê û babê wî û kalikê wî li gorî ku xuya dike jê re nekiriye ûmet. Bes meziyet û fezîlet û bextewariya ûmetê ji wan re bexişandiye. Belê ku mareşalekî bilind li cem babê xwe yê ku di payeya serpeliyê de ye be, (wê demê) dikeve di bin bandora du hestên dijê hev de. Padîşah ji ber dilovaniya xwe ya bo Yawerê Ekrem babê wî naxe di bin mehyeta wî de.

    Nukteya Heştemîn: Hûn dibêjin: Di heqê îmana mamê Wî Ebû Talib de ya rastî çi ye?

   Bersiv: Şîa îmana wî qebûl dikin; pirtirînê Ehlê Sûnetê îmana wî qebûl nakin. Bes ya tête ser dilê min eve ye ku: Ebû Talîb neku pêxemberiya Resûlê Ekrem Eleyhîsselatû Wesselam, gelek ji şexsê wî û zatê wî hez dikir. Helbet ew şefqet û muhabeta wî ya gelek cîdî û şexsî wenda nabe. Belê, Ebû Talibê ku bi awayekî cîdî ji Hebîbê Ekremê Cenabê Heq hez kirî, ew parastî û alîgiriya wî destnîşan kirî; ne ku ji ber înkar û rikê, bê guman ji ber hestên mîna fihêtê û nijadperestiyê îman neanibe û ji ber vê çendê here Dozexê jî; ji wan qenciyên wî re wek xelatekê dibe ku çeşîdeke Bihişteka taybet di nav di nav Dozexê de were afirandin. Wek çawa li hin deran di zivistanê de biharê diafirîne û di zîndanê de –bi wesiteya xewê- ji hin mirovan re zîndanê vediguherîne qesrê, (eynen welê) dikare Dozexa taybet veguherêne çeşîdeke Bihişta taybet…

وَالْعِلْمُ عِنْدَ اللّٰهِ

لاَ يَعْلَمُ الْغَيْبَ اِلاَّ اللّٰهُ

سُبْحَانَكَ لاَ عِلْمَ لَنَۤا اِلاَّ مَا عَلَّمْتَنَا اِنَّكَ اَنْتَ الْعَلِيمُ الْحَكِيمُ