Hem di vê rûpela li ber çavê me ye de neh lefzê “îman”ê hene, li hev dinêrin; bes yek tenê bi navberdayîna mûstensixî hinkê avere (înhîraf) bûye. Hem di vê rûpela –li ber çavê me ye- de du heb “mehbûb” hene –yek di rêza sisêyê de ye, yek di rêza panzdehê de ye- bi pîvaneke tam li hev dinêrin. Di nava wan de çar heb “eşq” rêz bûne, li hev dinêrin. Tewafûqên xeybî yên din bila qiyasê van bêne kirin. Kîjan mûstensix be bila ew be, rêzên wî çawa be bila welê be, bivê nevê, ev tewafûqata xeybî ewqas heye ku gumanê tê de nahêle ku (eva hanê) ne karê tesadufê ye, ne jî fikirîna nivîskar û mûstensixan e. Bes di hinek xetan de tewafûq hîn pitir dikeve ber çavan. Nexwe di van rîsaleyan de xeteke rastîn heye. Hinek nêzîkî wê xetê dibin. Ev tişteke sosret e ku neku di nivîsên mûstensixên mahir de, bêguman di nivîsên yên xeşîman de pitir dixuyin. Ji vêya tê fêmkirin ku; hûner û zerafet û meziyeta ku di Peyvan ku çeşîdeke tefsîra Qur’anê ye de ye, ne ya tu kesî ye; bê guman ew kincên uslûbê yên bipîvan û rêkûpêk yên li bejna bimbarik ya heqîqetên Qur’anê yên muntezem û spehî, bi îrade û hişmendiya kesî nayên dirûtin û birrîn, bê guman wicûda wan e ku wusa dixwaze û destekî xeybî ye ku li gorî wê bejnê dibire, didirû û lêdike. Heçîke em in em wergêrekî wê û xizmetkarekî wê ne.
Nukteya Çaremîn: Hûn di pirsa xwe ya ewil ya ku pênc-şeş pirsan dihundirîne de: “Dê kombûna Meydana Heşrê çawa be, gelo ma dê tazî be? Û hevdîtina dostan dê çawa be? Ji boyî mehderê em ê Resûlê Ekrem Eleyhîselatû Weselam çawa bibînin? Û zatek tenê dê çawa karibe mirovên bêhed û hesab re hevdîtinê pêk bîne. Û dê kî rê nîşanî me bide?” dibêjin/dipirsîn
Bersiv: Bersiva vê pirsa tam û gelek aşkere di kitêbên hedîsê de hene. Em ê nukteyekê-duduyan yên aidê pîşe û meşreba me ne bibêjin. Halo ku:
Serê Pêşî: Di nameyekê de hatiye beyankirin ku wek çawa ku meydana heşrê di binê gera Dinyayê ya salana de ye û Dinya hêj niha berên (mehsûlat) manewî dişîne lewheyên wê meydanê; bi hereketa xwe ya salane temesûla daîreyeke wicûdê û bi mehsûlata wê daîreya wicûdê destpêka sazbûna (teşekula) meydaneke heşrê ye û Dozexa Biçûk ya di nava wê keştiya Rebanî ya ku jê re Dinya (Kureya Erdê) tê gotin de ye li ser Dozexa Mezin de vala dike, rûniştvanên wê jî di meydana heşrê de vala dike.
