hal bi hal alimên mezin ji pirtirînên wan heqîqetan re “tefhîm nabe” gotine û neku ji yên nexwendeyan re, bêguman ji yên xwende re jî nekarîne bidin zanîn.
Vaye, ji destê mirovekî mîna min yê ji berê pê ve hatiye naskirin ku Tirkiya wî hindik, gotinên wî layş (muxleq), pirrê wan neyên fêmkirin, heqîqetên aşkere jî mişkûl dike û berhemên wî yên berê ew naskirina (îştîhara) wî ya xirab pesend kirî de ev hasêniya newaze (xarîqe) û ev hêsaniya beyanê ya ku heqîqetên herî dûr di şiklê herî nêzîk de ji mirovên qet xwendin nekirî re waneyê dide, helbet, bêguman esereke înayetê ye û nabe ku ev hûnera wî be û cîlweyeke mucîzeyiya manewî ya Qur’ana Kerîm e û temesûlek û şewqdayîneke temsîlatên Qur’anê ne.
Îşareta Pêncemîn: Rîsale tevî ku bi giştî gelek belav bûne jî, (digel vê çendê) ji alimekî mezin bigre hetanî mirovê qet xwendin nekirî (herî amî), ji weliyekî mezin yê ehlê dil bigre hetanî feylesofekî bêdîn yê herî înadker, (hemû) tebeqeyên mirovan û taîfeyên wan tevî ku wan rîsaleyana dîtine, xwendine û beşeke wan zilehê wan jî xwarine, (lê) nekarîne rexne bikin, her taîfeyê li gorî dereceya xwe sûdê jê wergirtî ne, (eva hanê dibe delîl ku) rasteras esereke înayeta rebbanî ye û kerameteke Qur’anê ye û herweha ev cûre rîsraleyên ku di encama gelek lêkolînan de çêbûne, di lezeke pir zêde de û hem di demên azerdedil ya ka îdraka min û fikra min tevlîhev dikin de hatiye nivîsandin jî (dibe delîl ku) esereke înayet û îkrameke rebbanî ye.
Belê, pirrê birayên min û hemû ew hevalên li nik min û mustensix dizanin ku pênc perçeyên Nameya Nozdehê di nava çend rojan de, her roj du-sê demjimêran de, yekûna wê diwanzdeh demjimêran de, bêyî ku serî li tu kitêban bide hatiye nivîsîn; heta perçeya herî girîng û beşa çarê ya ku di lefza Resûlê Ekrem Eleyhîsselatû Wesselam ya di wê perçeyê de mohreke pêxemberiyê nîşan dide du-sê demjimêran de, li çiyê, di bin baranê de, jiber hatiye nivîsandin; û rîsaleyeke girîng û rêkûpêk ya mîna Peyva Sîhê di nava şeş demjimêran de, di rezekî de dehatiye nivîsîn; û Peyva Bîst û Heştê di bexçeyê Suleyman de hatiye nivîsîn, wekî wê pirtirînên rîsaleyan holê hatine nivîsîn; û dostên min yên nêzîk jî dizanin ku ji berê ve dema ez azardedil bim ez nikarim heqîqetên herî aşkere jî beyan bikim,
