“Dê ji aliyê rojhilat ve nûrek derbikeve, dê tarîtiyên bid’eyan belav bike.” Ez gelek li benda nûreke holê mam û li bendê me. Bes kulîlk li biharê tên. Divêt ji wan kulîlkên pîroz re cih were amadekirin. Û me zanî ku bi vê xizmeta xwe em ji wan zatên nûranî re cih amade dikin. Hemin ne aidê me ye, helbet beyankirina alîkariyên Xwedê yên aidê wan nûrên ku ji wan re Rîsaleya Peyvan tê gotin nabe sedema şanazî û quretiyê; ya rast dibe sedema pesn û spasî û behsêkirina ne’metê.
Sedema Şeşemîn: Înayetên Xwedê yên ku xelateke pêşin û wesiteyeke teşwîqê yên xizmeta me ya Qur’anê yên bi wesiteya nivîsandina Peyvan e, serketinek e. Serketin tên xuyakirin. Ji serketinê derbas bibe, bibe bibe dê bibe îkrameke îlahî. Aşkerekirina îkrama îlahî şukreke manewî ye. Ji wê jî derbas bibe, bibe bibe, bêyî ku îradeya me tevlî bibe, dê bibe kerameteke Qur’anê. Em gihîştine wê. Aşkerekirina kerameteke ku bêyî îrade û bêyî xeber tê, bê zerar e. Eger li ser kerameta jirêzê bikeve, wê demê bibe bibe, dibe şuhleyên mucîzebûna manewî ya Qur’anê. Hemin mucîzebûn tê aşkerekirin, helbet aşkerekirina wê tişta ku alîkariya mucîzebûnê dike jî dikeve ser hesaba mucîzebûné; qet nabe sedema şanazî û quretiyê, bêguman dibe sedema pesn û şukranê.
Sedema Heftemîn: Ji sedan heştiyê benîademan ma qey ehlê tehqîqê ne ku hetanî serwextî heqîqetê bibin û heqîqetê heqîqet zanibin û qebûl bikin? Bêguman li ser sûretî, li ser husna zenê, ew meseleyên ku ji mirovên meqbûl û ji mirovên ehlê ewleyiyê dîtîn bi teqlîdî qebûl dikin. Heta heqîqeteka mezin/bihêz ya di destê mirovekî zeîf de zeîf dibîne û meseleyeke nehêja ya di destê mirovekî hêja de dibîne, hêja qebûl dike. Vaye ji ber vê razê, daku ez wan heqîqetên îmanê û qiymetên Qur’anê yên di destê rebenekî mîna min zeîf û bêqîmet de ne li ber çavê pirtirînê mirovan kêm neêxim, ji bêgavî îlan dikim ku: Bêyî îradeya me û haya me jê neyî yek me dide şuxulandin; bêyî ku em bizanin di karên girîng de me dişixulîne. Delîla me jî eve ye ku: Derveyî hişmendî û îradeya me em hinek înayet û hêsaniyan dibînin. Nexwe, em bêgav in ku wan înayetana bikin qîr û îlan bikin.
Vaye, li ser van heft sedemên derbasbûyî em ê çend înayetên rebbanî yên gişkî (kullî) destnîşan bikin.
