Sedema Duyemîn: Hemin Qur’ana Hekîm mûrşidê me ye, seydayê me ye, pêşevanê me ye, di her rê û dirbekê (adab) de derêberê me ye; ew bi xwe pesnê xwe dide. Em ê jî li pey waneyên wê biçin û pesnê tefsîra wê bidin.
Hem Peyvên ku hatine nivîsandin çeşîdeke tefsîra wê ne û ew heqîqetên ku di wan rîsaleyan de ne malê Qur’anê ne û heqîqetên wê ne. Û hemin Qur’ana Hekîm di pirtirînê sûretên xwe de, xasma di
الۤرٰ
ayan de, di
حٰمۤ
an de ew xwe bi xwe bi heşmeteke tam nîşan dide, kemalata xwe dibêje, pesnê ku layiqî wê ye dide. Helbet em binbarê (mukelef) wê çendê ne ku çirûskên mucîzebûna Qur’ana Hekîm ya di Rîsaleya Peyvan de şewq dayî û alîkariya Xwedê ya nîşaneya meqbûliyeta xizmeta me ye, bidin xuyakirin. Lewra wê seydayê me wisa kiriye û wisa waneyê dide.
Sedema Seyemîn: Ez der barê Rîsaleya Peyvan de ne di awayê dilnizmiyê de dibêjim, bêguman ji bo ku rastiyekê beyan bikim ez dibêjim ku: Heqîqet û kemalên di Rîsaleya Peyvan de ne, ne yên min in, yên Qur’anê ne û ji Qur’anê çizirîne. Heta Peyva Dehê hin dilopên ku ji sedan ayetên Qur’anê çizîrîne ne. Rîsaleyên din jî wusa ne. Hemin ez holê dizanim û hemin ez fanî me, ez ê biçim; helbet ew tişta, ew berhema ku baqî bimîne divêt bi min ve neyêt girêdan û bila neyêt girêdan. Û hemin adeta ehlê delalet û tuxyanê ew e ku dema berhemek li hesaba wan neyêt, bi pûçkirina xwediyê wê berhemê dixwazin wê berhemê pûç derxînin; helbet divêt ew rîsaleyên ku bi stêrên asîmanê Qur’anê ve girêdayîn ê, bi stûneke rizî ya mîna min ku dibe sedema gelek îtîraz û rexneyan ve neyên girêdan. Hem hemin li gorî nêrîta (urf) di navbera mirovan de meziyetên di berhemekê de di helwestên nivîskarê wê berhemê yê tê zenkirin ku jêdera wê ew e ye de dinêrin û li gorî vê nêrîtê, ku ew heqîqetên bilind û ew cewherên giranbuha ji mûflîsekî mina min yê ji hezarê yekê wê di xwe de nabîne re were malkirin, (eva hanê) neheqiyeke mezin ya di hemberî heqîqetê de ye; ji ber wê çendê ez mecbûr im bidim xuyakirin ku rîsale ne malê min in, malê Qur’anê ne û mezherê meziyetên çizîranên (reşhe) Qur’anê ne. Belê xasiyetên ûşiyên tirhî yên bitam ne di şiva wê yê darik de ye. Vaye ez di hukmê darika wusa hişk de me.
