(bihête mêzekirin) tê dîtin ku, mirovî ji aliyê jiyana komelî ya siyasî ve çendik dewr derbas kirine. Dewra yekem dewra hovîtî û bedewîtiyê, dewra dudoyê dewra koletiyê, dewra sisêyê dewra dîlê, dewra çarê dewra ecîrê, ya pêncê dewra malikiyet û serbestbûnê ye. Dewra hovîtiyê bi olan, bi hikûmetan hatiye guherîn, dewreke nîv-şaristanî vebûye. Bes di nav mirovan de hin yên jîr û xurt beşeke mirovan ji xwe re kirine kole û ewana daxistine radeya heywanan. Paşê jî ev koleyên hanê jî hişyar bûne û hatine xîretê û ew dewr veguherandine dewra dîlê (esîr.) Ango ji koletiyê rizgar bûne, bes ew mirovên xurt li gorî distûra zalim ya “el-hukmû lîl xalib” bi mirovên hejar re muameleya dîlê kirine. Paşê jî bi gelek şoreşên mîna şoreşa gewre (ya Fransa) ew dewr jî veguherî dewra ecîrê. Ango çîna xewasê ku dewlemend bûn ewam û xizan di bergîdana mizê de ji xwe re dikirin xizmetkar, yanê sermayedaran karker û pale di bergîdana mizeke hindik de dişixulandin. Di vê dewrê de bedkarî (sûîîstî’mal) gihabû wê radeyê ku sermayedarek li cihê xwe dirûnişt û bi wasiteya bankayan di rojekê da milyonek bi dest dixist, lêbelê palekî reben ji sibehê heta êvarê di madenên bin-erdî de kar dikirin û mizeke deh qurîş ku di dereceya “nemir,ne jî” de bû bi dest dixist. Vê rewşê kîn û xeyidandinek çêkir ku çîna ewamê di hemberî xewasê de raperîn îlan kir. Li gorî gotina vê sedsalê sosyalî(zm)stî, di sûretê Bolşevîktiyé de serê pêşî Rûsya tertûbela kir û ji şerê cîhanê sûd wergirt û li her derê reh û rîçal berdan. Raperîna ewamê ya di bin perdeya vê bolşevîktiyé de ji ber ku di hemberî mezinan û xewasan de fikreke ya kîn û kêmdîtinê (tezyîf) da, cesareteke welê da ku her tişta ku bibe sedema rûmetê ya mezinan û xewasan bişikêne.
Esasa Duyemîn:
Vê sedsalê netewayiya neyînî gelek derxist pêş. Anasirê Îslamê digel wê çendê ku tu hewceyiya wan pê nebû jî bi awayekî korkorane xwe bir ramana netewayiyê girtin. Heçîke netewayiya neyînî ye ji bo pîrozewerên olî nikare bibe giramgir, çi dema ku bahaneyan bibîne dixwaze dev biavêjiyê.
Esasa Sêyemîn: Bêdeng/sukût
