Lewra wê qenaet aniye, bi fermana îlahî hingiv dide mirovan û bi wan dide xwarin.
Erê, navê Zatê Eqdes yê piştî alema Wî ya zatî û navê Wî yê herî mezin ku lefzullah e navê Wî yê Rehman tê û ev nav jî li rizqî dinêrre. Û bi wesîteya (wê) şukra (ku di nav) riziq de ye mirov digîhije wî navî. Hem maneya navê Rehman yê herî eşkere Rezzaq e.
Hem texlîtên şukrê hene. Di nav wan texlît (ên şukr)an de ya herî cami’ û ya fîhrîsteya umûmî nimêj e.
Hem di nav şukre de îmaneke safî û tewhîdeke zelal heye. Lewra, ew mirovê ku sêvekê dixwe û dibêje “El-hemdu lîllah” bi wê şukrê dide îlankirin ku “ew sêv rasterast yadîgara Destê Qudretê ye û rasterast diyariya gencîneya dilovaniyê/ rehmetê ye. Û bi vê gotinê û bi vê baweriyê ew her tiştî (cûzî be, kullî be) radestê destê qudreta Wî dike. Û di her tiştî de cilweya rehmeta Wî dizane. Bi wesîteya şukrê îmaneke heqîqî û tewhîdeke zelal beyan dike.
Ew kesê xafil ji ber nankoriya nîmetê ka çi derece ketiye nava xusarê… Emê ji wan gelek aliyan aliyekê bi tenê bibêjin. Wisa ku:
Mirov gava nîmeteke tehmxweş bixwe; eger (ew mirov) şukrê bike, ew nîmeta ku wî xwariye, bi wesîteya wê şukrê dibe nûrek û dibe fêkiyeke bihiştê ya axretî. (ew mirov) Bi wê tamê dihizrîne ku ew fêkî esera îltîfata rehmeta Cenabê Heqq e û ev hizirkirin tam û lezzeteke mezin û daîmî dide (wî mirovî). xulase û maddeyên manewî yên bi vî awayî dişîne meqamên bilind û (paşê jî) maddeyên wê yên mîna armûşk(posa) û qaşilan, ango maddeyên ku wezîfeyên wan xilas bûne, zêdayî ne û li eslên xwe, ango li unsûran vedigerin. Eger şukrê neke, wê çaxê ew tama demdemî bi zewala xwe êş û qehrekê di şûna xwe de dihêle û ew bi xwe jî dibe pîsî. Ew nîmeta weke elmasê dibe komir. Rizqên zaîl, bi wesîteya şukrê lezzetên daîmi û mêweyên baqî dide.
Nîmeta bêşukir ji sûreteke herî spehî derdikeve û dikeve sûreteke herî kirêt. Lewra, li gor dîtina wî (mirov)ê xafil encama wî rizqî piştî lezzeteke demdemî (ya dî) zêdehî ye.
Erê, di rizqî de sûreteke wê yê layiqê işqê heye; ew jî bi (wesîteya) şukrê ew sûret dixuyê. Yan jî, aşiqbûna ehlê xeflet û ehlê delaletê a rizqî heywantiyek e. Yên din jî li van qiyas bike ku da bizanbî ka ehlê delalet û ehlê xefletê çi derece xesaretê dikin.
