Ew her çarên pêşî yên dost xuya dikirin û paşê jî rewşeke dijminan nîşan dayîn:
Ewil: Mûdîrekî bi çend wesiteyan lavayî kir. Ji Peyva Dehê nusxekî xwest. Min dayê. Lê wî ji boyî payeyê (terfî’) dostaniya min berda û bû neyarê min. Di sûretê gilî û îxbarê da parêzgarî. Wek esereke îkrama xizmeta Qur’anê (wî) paye nesitand, ji wezîfeyê hat azilkirin.
Duduyan: Mûdîrekî din (berî hingê) dost bû, ji bo xatira amirên xwe û da ku tewecûha ehlê dinyayê bi dest bixe, ne ji bo şexsê min, ji ber xizmetkariya min kete rewşeke reqîban û dijminan, bi dijê mebesta xwe şeqam xwar. Di meseleyeke ku qet hêvî nedikir de du sal û nîv hikim xwar. Paşê ji xizmetkarekî Qur’anê daxwaza duayê kir. Înşallah dê rizgar/xelas bûbe, ji ber ku dua jê re hat kirin.
Sisyan: Mamosteyek ku dost xuya dikir, min jî weke dost lê nêrî. Paşê daku neqlî Barlayê bibe û li wir nîştecî bibe rewşeke dijmimnane da xwe; dijê wê mebesta xwe şeqam xwar. Ji mamosteyiyê kirin leşker. Ji Barlayê hate dûrxistin.
Ya Çaran: Mamosteyekî (Hafiz, hem ji ber ku min ew oldar didît) bi niyeta ku dê di xizmeta Qur’anê de dostaniyekê bi min re bike min dostaniyeke jidil nîşanî wî da. Paşê ji bo ku tewecuha ehlê dinyayê bi dest bixe, bi gotineke tenê ya karmandekî di hemberî me de kete rewşeke sar û tirsonek. Paşê dijê wê mebesta xwe şeqam xwar. Azareke dijwar ji mûfetişê xwe xwar û ji wezîfeyê hat avêtin.
Vaye, wek çawa van çar mirovan ji ber rewşa wan ya dijminî şeqam xwarin, sê dostên min jî ji ber ku rewşa merdane ya ku dostaniya cîdî pêwist dike nîşan nedane, şeqam nexwarin, (lêbelê) dijê mebestên xwe hatin hişyarkirin
Ewil: Zatekî muhterem ku xwendekarekî min ê gelek girîng, cidî û heqîqî hebû ku her tim Peyv dinivîsî û belav dikir. Bi hatina karmendekî mezin ê bêserûber û qewimîna bûyerekê ra ew Peyvên ku nivîsîbû veşart, bi awayekî demdemî îstînsax terikand. Da ku ji ehlê dinyayê tu zehmetiyan nebîne, tengezariyê nekişîne û ji xirabiya wan êmin bibe. Hal bi hal, ji ber xetaya wî ya atleyîdana (tatîl) demdemî ya xizmeta Qur’anê belakî welê hate serê wî, salekê ser hev mehkûmiyeta hezar lîreyan li ber çavê wî hate danîn. Çi dema ku ji bo
